சிங்கப்பூர் சுங்கத்துறை கடந்த 2024 ஆம் ஆண்டில் எத்தனை பில்லியனுக்கு பொருள் சேவை வரியை வசூலித்தது?
2024ஆம் ஆண்டில் $8.5 பில்லியனுக்கும் அதிகமான பொருள் சேவை வரியை (ஜிஎஸ்டி) சிங்கப்பூர் சுங்கத்துறை வசூலித்துள்ளது.
2023ஆம் ஆண்டுடன் ஒப்பிட்டால் இது $1 பில்லியனுக்கும் அதிகம்.
சிங்கப்பூர் சுங்கத்துறை வசூலித்துள்ள ஆக அதிகமான பொருள் சேவை வரி இது என்பது குறிப்பிடத்தக்கது.
இந்த தகவல் Data.gov.sg மூலம் தெரியவந்துள்ளது.
அது இப்புள்ளிவிவரங்களை 2013ஆம் ஆண்டிலிருந்து கண்காணித்து வருகிறது.
2013ஆம் ஆண்டில் சிங்கப்பூர் சுங்கத்துறை $5.5 பில்லியன் மதிக்கத்தக்க பொருள் சேவை வரி வசூலித்தது.
2023ஆம் ஆண்டில் பொருள் சேவை வரி விகிதம் அதிகரித்தபோது $7.3 பில்லியன் பெறுமானமுள்ள ஜிஎஸ்டி வசூலிக்கப்பட்டது.
பெரும்பாலானவை வசூலிக்கப்பட்ட பொருள் சேவை வரியில் இறக்குமதி செய்யப்பட்ட பொருள்களுடன் தொடர்புடையவை.
உள்ளூரில் உற்பத்தி செய்யப்பட்ட பொருள்களுடன் தொடர்புடைய ஜிஎஸ்டி வசூல் 1 சதவீதத்துக்கும் குறைவு.
2023ஆம் ஆண்டில் ஜிஎஸ்டி விகிதம் 7 சதவீதத்திலிருந்து 8 சதவீதமாக உயர்ந்தது.
2024ஆம் ஆண்டில் அது 9 சதவீதம் உயர்ந்துள்ளது.
2024ஆம் ஆண்டில் சிங்கப்பூர் $20.6 பில்லியன் மதிப்புள்ள பொருள் சேவை வரியை வசூலித்தது.
2030ஆம் ஆண்டு வரை பொருள் சேவை வரியை மேலும் உயர்த்தும் தேவையில்லை என்று பிரதமரும் நிதி அமைச்சருமான லாரன்ஸ் வோங் தெரிவித்துள்ளார்.
பொருள் சேவை வரியைத் தவிர்த்து, புகையிலைக்காக $1.1 பில்லியன் வரி, மதுபானத்துக்காக $775.9 மில்லியன் வரியை 2024ஆம் ஆண்டில் சிங்கப்பூர் சுங்கத்துறை வசூலித்தது.
புகையிலை, மதுபானம் தொடர்பான குற்றங்கள் அதிகரித்திருப்பதாகவும் சிங்கப்பூர் சுங்கத்துறை கூறியது.
புகையிலை தொடர்பான குற்றச் செயல்கள் 2024ஆம் ஆண்டில் சுமார் 40 சதவீதம் அதிகரித்தது.
2023ஆம் ஆண்டுடன் ஒப்பிட்டால் 2024ஆம் ஆண்டில் மதுபானம் தொடர்பான குற்றச் செயல்கள் 80 சதவீதத்துக்கும் மேல் கூடியுள்ளது .
2024ஆம் ஆண்டில் பொருள் சேவை வரி தொடர்பான குற்றங்கள் சற்று உயர்ந்தன.
Follow us on : click here
Instagram : https://www.instagram.com/sg_tamilan_official?igsh=eG16Z3B6NW93bmw0
Facebook : https://www.facebook.com/profile.php?id=100089382270449&mibextid=ZbWKwL
Telegram : https://t.me/tamilan