புக்கிட் பஞ்சாங் LRT ரயிலில் சேவை தடங்கல்...!!!

சிங்கப்பூர்:புக்கிட் பஞ்சாங் LRT ரயிலில் மின் தடை ஏற்பட்டதால், முழு வழித்தடத்திலும் ரயில் சேவைகள் நிறுத்தப்பட்டன.

மெட்ரோ நிறுவனமான SMRT இன்று (3 ஆம் தேதி) காலை 8:50 மணியளவில் புக்கிட் பஞ்சாங் லைட் ரயிலில் மின் தடை ஏற்பட்டதாக சமூக ஊடக பேஸ்புக்கில் பதிவிட்டுள்ளது.

சமீபத்திய நிலைமை குறித்து பயணிகளுக்குத் தெரிவிக்க, ரயில்களிலும் ரயில் நிலையங்களிலும் SMRT அறிவிப்புகளை வெளியிட்டுள்ளது.

சிக்கலைத் தீர்க்கவும் பாதிக்கப்பட்ட பயணிகளுக்கு உதவவும் ஊழியர்கள் சம்பவ இடத்திற்கு விரைந்தனர்.

பாதிக்கப்பட்ட பயணிகள் இலவச பேருந்து மற்றும் இணைப்பு பேருந்து சேவைகளைப் பயன்படுத்தலாம் என்று கூறியது.

SMRT காலை 11 மணியளவில் வெளியிட்ட பதிவில் நிலைமை சரி செய்யப்பட்டு விட்டதாக தெரிவித்தது.

அப்பகுதியில் தற்போது ரயில் சேவைகள் படிப்படியாக இயல்பு நிலைக்குத் திரும்பி வருகின்றன.

மேலும் பயணிகளின் சிரமத்திற்கு SMRT நிறுவனம் மன்னிப்பு கேட்டது.

Follow us on : click here

WHATSAPP CHANNEL LINK