இளம் பெண்களின் அழகை மெருகேற்ற உதவும் அழகு குறிப்புகள்..!!!

டீன் ஏஜ் பருவம் என்பது பல ஹார்மோன் மாற்றங்களை கடந்து வரும் பருவம். நம் உடலில் மட்டுமல்லாது நம் தோற்றத்திலும் மாற்றத்தை ஏற்படுத்தும். இப்படி மாற்றங்கள் ஏற்படும் பொழுது அதை சார்ந்த பிரச்சினைகளும் ஏற்படுவதுண்டு. குறிப்பாக இளம் பெண்களுக்கு முகத்தில் பருக்கள்,கருந்திட்டு, உடல் பருமன், முடி உதிர்தல் உள்ளிட்ட பிரச்சனைகள் ஏற்படுவதுண்டு. இந்தப் பிரச்சினையை நாம் இயற்கையாகவே கையாளலாம்.

நாம் பெரும்பாலும் முகத்திற்கு தக்காளி உருளைக்கிழங்கு,எலுமிச்சை,பப்பாளி,தயிர், வாழைப்பழம் என வீட்டில் கிடைக்கும் பொருட்களை வைத்தே தினமும் ஒரு பேசியல் செய்யலாம். இப்படிச் செய்வதன் மூலம் நமது சருமம் ஆரோக்கியமாகவும் மென்மையாகவும் பளபளப்பாகவும் இருக்கும். மேலும் பின்வரும் சில அழகு குறிப்புகள் உங்கள் அழகை மேலும் மெருகேற்ற உதவும்.

✨️வேப்பங்கொழுந்தை நன்றாக பேஸ்ட் பதத்திற்கு அரைத்து, அதில் சில துளிகள் நல்லெண்ணெய் சேர்த்து பருக்கள் மீது தடவினால், பருக்கள் விரைவில் மறைந்துவிடும்.

✨️சிலருக்கு நெற்றியில் பொட்டு வைக்கும் இடத்தில் அரிப்பு அல்லது புண் ஏற்பட்டால், வில்வ மரக்கட்டையை அரைத்து அரிப்பு உள்ள இடத்தில் பூசினால் புண்கள் சரியாகும்.

✨️இளம் நரையை தவிர்க்க உணவில் அதிக அளவு கறிவேப்பிலையை சேர்த்துக் கொள்ள வேண்டும்.

✨️பெண்கள் வாரத்திற்கு ஒரு முறையாவது சில துளிகள் தேங்காய் எண்ணெயை உடலில் தேய்த்து குளித்தால், அவர்களின் உடல் ஆரோக்கியமாகவும், சருமம் மென்மையாகவும் மாறும்.