'பிங்க் டாட் எஸ் ஜி' அமைப்பின் பேரணியில் திரண்ட நூற்றுக்கணக்கான மக்கள்...!!!
சிங்கப்பூர்:சிங்கப்பூரில் மாறுபட்ட பாலியல் விருப்பங்கள் கொண்டவர்களை அங்கீகரிக்கும் விதமாக ‘பிங்க் டாட் எஸ்ஜி’ என்ற பேரணி ஹோங் லிம் பூங்காவில் சனிக்கிழமை மாலை (ஜூன் 28) நடத்தப்பட்டது.
இதில் இளஞ்சிவப்பு சட்டைகளை அணிந்த நூற்றுக்கணக்கான மக்கள் கலந்து கொண்டனர்.
மழை பெய்த போதிலும், இந்த 17வது பேரணியில் கூடியிருந்தவர்களின் உற்சாகம் குறையவில்லை.
இந்நிகழ்வில் மக்கள் செயல் கட்சி நாடாளுமன்ற உறுப்பினர்கள் அலெக்ஸ் யே மற்றும் யிங் ஷிஹ் சுவான், தொழிலாளர் கட்சியைச் சேர்ந்த ஹீ டிங் ரு மற்றும் லூயிஸ் சுவா ஆகியோரும் கலந்து கொண்டனர்.
இந்த நிகழ்வின் போது, பல்வேறு பாலியல் விருப்பங்களுடன் தொடர்புடைய 60க்கும் மேற்பட்ட பொருட்களைக் கொண்ட காலப் பெட்டகமும் வெளியிடப்பட்டது.
இதை உள்ளூர் வடிவமைப்பாளர் நிக்கோலஸ் ஹோ வடிவமைத்தார்.
சான் பிரான்சிஸ்கோவில் ஓரினத் திருமணம் செய்து கொண்ட திரு. பாஸ்கரன், திருமணச் சான்றிதழை பெட்டகத்திற்கு நன்கொடையாக வழங்கினார்.
சிங்கப்பூர் 2022 ஆம் ஆண்டு ஒரே பாலின உறவுகளை குற்றமாக்கும் பிரிவு 377A ஐ ரத்து செய்தது.
மூடப்பட்ட காலப் பெட்டகம் 2050 இல் மீண்டும் திறக்கப்படும்.
அந்த ஆண்டு ஒரு புதிய எதிர்காலத்தைக் குறிக்கும் என்று சிங்கப்பூர் பிங்க் டாட்டின் அமைப்பாளர்கள் தெரிவித்துள்ளனர்.
பிங்க் டாட் செய்தித் தொடர்பாளர் கிளெமென்ட் டான் கூறுகையில், இந்த காலப் பெட்டகம் அன்பு மற்றும் மீள்தன்மையை நினைவூட்டுவதாக இருக்கும் என்று கூறினார்.
Follow us on : click here
WHATSAPP CHANNEL LINK
Instagram : https://www.instagram.com/sg_tamilan_official?igsh=eG16Z3B6NW93bmw0
Facebook : https://www.facebook.com/profile.php?id=100089382270449&mibextid=ZbWKwL
Telegram : https://t.me/tamilan