ஹோட்டல் அறைக்கு பழத்தை எடுத்துச் சென்ற சுற்றுலா பயணிக்கு S$200 அபராதம்..!!!

சிங்கப்பூர்:சிங்கப்பூரில் உள்ள ஒரு ஹோட்டலுக்குள் டுரியான் பழத்தை கொண்டு வந்ததற்காக சுற்றுலாப் பயணி ஒருவருக்கு S$200 அபராதம் விதிக்கப்பட்டுள்ளது.

இந்த அனுபவத்தை சீனப் பெண் ஒருவர் சீன சமூக ஊடக தளமான சியாவோஹோங்ஷுவில் பகிர்ந்து கொண்டார்.

விடுமுறையில் இருந்தபோது அவர் ஒரு டுரியான் பழத்தை வாங்கினார்.

கடையில் உட்கார்ந்து சாப்பிட இடம் இல்லாததால், அதை ஹோட்டலுக்கு எடுத்துச் சென்றார்.

ஹோட்டல் அறையை சுத்தம் செய்பவர் அவர் டுரியான் பழத்தை சாப்பிட்டதைக் கண்டுபிடித்தார்.

அறை முழுவதும் டுரியான் பழத்தின் வாசனை பரவியதால் அந்தப் பெண்ணுக்கு அபராதம் விதிக்கப்பட்டது.

அதிர்ச்சியடைந்த அந்தப் பெண் ஹோட்டல் மேலாளரிடம் புகார் அளித்தார்.

டுரியான் பழத்தின் வாசனை நீங்க பல நாட்கள் ஆகலாம் என்று நிர்வாகம் கூறியது.

அதுவரை, அந்த அறையை மற்றவர்கள் பயன்படுத்த முடியாது.

இச்சம்பவம் குறித்து அந்தப் பெண் தனது சமூக ஊடகப் பதிவில் மற்ற பயணிகளிடம் டுரியான் பழங்களை ஹோட்டலுக்குள் கொண்டு வர வேண்டாம் என்று அறிவுறுத்தினார்.

Follow us on : click here