பயணிகளின் கவனத்திற்கு...!!! பாதைகள் மூடப்பட்டு சேவைகள் மாற்றம்...!!

சிங்கப்பூர்:
மவுண்ட்பேட்டன் சாலையில் ஏற்பட்ட சாலை சரிவு காரணமாக, தஞ்சோங் கட்டோங் சாலையின் தெற்குப் பகுதி தற்காலிகமாக மூடப்பட்டுள்ளது என்று நிலப் போக்குவரத்து ஆணையம் (LTA) அறிவித்துள்ளது.

இந்த பகுதியில் நடைபெறும் பராமரிப்பு பணிகளை மேற்பார்வையிடவும், பாதுகாப்பை உறுதி செய்யவும், பொதுப் பயன்பாட்டு ஆணையம் மற்றும் கட்டிடம் மற்றும் கட்டுமான ஆணையத்துடன் இணைந்து பணியாற்றி வருவதாகவும், பாதிக்கப்பட்ட நீர் குழாய்கள் தனிமைப்படுத்தப்பட்டுள்ளன என்றும் கூறப்பட்டுள்ளது.

இதன் காரணமாக 36 மற்றும் 48 ஆகிய பேருந்து சேவைகள் மாற்றுப்பாதையில் இயக்கப்படுகின்றன. மேலும் மரைன் பரேட், ஆம்பர், மவுண்ட்பேட்டன் மற்றும் டான்ஜோங் கட்டோங் சாலை பகுதிகளில் பேருந்து நிறுத்தங்களில் நிறுத்தம் இருக்காது.

ஓட்டுநர்கள் மற்றும் பயணிகள் தங்கள் பயணங்களை முன்னதாக திட்டமிட்டு, சாத்தியமான தாமதங்களை எதிர்பார்க்க வேண்டும் என LTA வலியுறுத்தியுள்ளது.