சிங்கப்பூரில் திடீர் விபத்து..! லாரி மீது மோதிய டாக்ஸி..58 வயது ஓட்டுநருக்கு என்ன ஆனது?
சிங்கப்பூரின் ஜாலான் காயு (Jalan Kayu) பகுதியில் லாரியும் டாக்ஸியும் மோதிக்கொண்ட விபத்தில், 58 வயதான டாக்ஸி ஓட்டுநர் காயமடைந்து மருத்துவமனையில் அனுமதிக்கப்பட்டுள்ளார்.
அக்டோபர் 21ஆம் தேதி நண்பகல் சுமார் 12 மணியளவில் இந்த விபத்து நிகழ்ந்ததாகத் தெரிவிக்கப்பட்டுள்ளது. விபத்து தொடர்பான காணொளி சமூக வலைத்தளங்களில் வெளியாகி கவனத்தை ஈர்த்துள்ளது.
காணொளியில், டாக்ஸி நேராகச் சென்றுகொண்டிருந்தபோது, பக்கவாட்டிலிருந்து வந்த லாரி அதன் மீது மோதுவது போன்ற காட்சி இடம்பெற்றுள்ளது. டாக்ஸி சென்ற திசையில் போக்குவரத்து விளக்கு பச்சை நிறத்தில் இருந்ததாகவும், லாரி வலது பக்கத்திலிருந்து வந்ததாகவும் காணொளியில் தெரிகிறது.
மோதலின் தாக்கத்தால் இரு வாகனங்களும் சிறிது தூரம் சென்ற பின்னர் நின்றதாகக் கூறப்படுகிறது. இந்த விபத்தால் வாகனங்களுக்கு சேதம் ஏற்பட்டதுடன், டாக்ஸி ஓட்டுநரும் காயமடைந்தார்.
காயமடைந்த ஓட்டுநர் விபத்து நடந்தபோது சுயநினைவுடன் இருந்ததாகவும், பின்னர் சிகிச்சைக்காக கூ டெக் புவாட் மருத்துவமனைக்குக் கொண்டு செல்லப்பட்டதாகவும் தகவல்கள் தெரிவிக்கின்றன.
விபத்து ஏற்பட்டதற்கான சரியான காரணம் குறித்து அதிகாரிகள் விசாரணை நடத்தி வருகின்றனர். போக்குவரத்து விதிகளைப் பின்பற்றுவதுடன், சந்திப்புகளில் வாகனங்களை இயக்கும்போது கூடுதல் கவனத்துடன் இருக்க வேண்டியதன் அவசியத்தையும் இந்தச் சம்பவம் எடுத்துக்காட்டுகிறது.
Follow us on :
Premium Job Link:https://www.sgtamilan.com/product/premium-member-ship
WHATSAPP CHANNEL LINK