பட்ஜெட் விலையில் கண் கவர் மாடலில் வெளியாகும் CMF phone 2 ஸ்மார்ட் போன்…!!!

இருப்பினும், பின்புற பேனல் எந்தப் பொருளால் ஆனது என்பது பற்றிய விவரங்கள் வெளியிடப்படவில்லை. பெரும்பாலும், இது பிளாஸ்டிக் அல்லது அலுமினியத்தால் செய்யப்பட்டிருக்கும்.தற்போதைய தலைமுறை மாடல்களில் பாலிகார்பனேட் பின்புற பேனல் உள்ளது.

சமீபத்திய டீஸரில் CMF போன் 2 ஸ்மார்ட்போனின் கீழ் இடது பக்கத்தில் CMF பை நத்திங் லோகோவும் காட்டப்பட்டுள்ளது. இதை வெவ்வேறு கோணங்களில் வைத்திருக்கும் போது இது ஒளிரும் லோகோவாகவோ அல்லது இருண்ட லோகோவாகவோ தோன்றும் தன்மை கொண்டதாக இருக்கிறது.

முன்னதாக வெளியான டீஸரில், CMF போன் 2 ஸ்மார்ட்போன் CMF நிறுவனத்தின் தனிச்சிறப்பு வாய்ந்த ஆரஞ்சு நிற பின்புற பேனலையும், ஒற்றை பின்புற கேமரா அமைப்பையும் கொண்டிருக்கும் என்பது தெரியவந்தது.

CMF Phone 1 ஸ்மார்ட்போனில் இரட்டை பின்புற கேமராக்கள் இருந்தது. ஆனால் CMF Phone 2 ஸ்மார்ட்போன் ஒற்றை பின்புற கேமராக்களை கொண்டுள்ளது. மேலும் இதில் கேமரா சென்சார் பின்புற பேனலில் செங்குத்தாக அமைக்கப்பட்டுள்ளது.கேமராவிற்கான ஃபிளாஷ் சென்சாருக்குக் கீழே வைக்கப்பட்டுள்ளது.

CMF Phone 2 இல் உள்ள ஸ்குரூ போன்ற அமைப்புகள் CMF Phone 1 மாடலைப் போன்றே இருப்பதாக தெரிகிறது. எனவே இரண்டு போன்களுக்கான துணைக்கருவிகளும் பொதுவானதாக இருக்கும் என்பது தெரிகிறது.

இந்தியாவில் CMF போன் 2 ஸ்மார்ட்போன் விலையைப் பொறுத்தவரை, ரூ. 19,990க்கு அறிமுகப்படுத்தப்படும் என்று எதிர்பார்க்கப்படுகிறது.எனவே நடுத்தர மக்களும் பயனடையும் வகையில் பட்ஜெட் விலையில் அறிமுகமாக உள்ள CMF போன் 2 வை வாங்கி பயனடையலாம்.