“சிஎஸ்கே அணிக்கு ஆக்ரோசமாக விளையாடக்கூடிய வீரர்கள் தேவை”- பத்ரிநாத் கருத்து..!!!

ஏனென்றால் மற்ற அணிகள் எல்லாம் டி20 போட்டிகளில் ஆக்ரோஷமாக விளையாடும் வீரர்களைத் தேர்வு செய்தது.ஆனால் சென்னை அணி மட்டும் ஏலத்தில் சுமாரான வீரர்களைத் தேர்ந்தெடுத்தது. இதுவே சிஎஸ்கே அணியின் சரிவுக்கு முக்கிய காரணம் என்று கூறப்படுகிறது.

இந்நிலையில், முன்னாள் சிஎஸ்கே வீரர் பத்ரிநாத் சில ஆவேசமான கருத்துக்களை தெரிவித்துள்ளார்.அடுத்த ஆண்டு சிஎஸ்கே தனது அணியை வலுப்படுத்த விரும்பினால், அஸ்வின் மட்டுமல்ல, ஜடேஜா மற்றும் விஜய் சங்கரையும் சென்னை அணியில் இருந்து நீக்க வேண்டும் என்று கூறியுள்ளார்.

இது குறித்து அவர் கூறுகையில், “அஸ்வின் எனது நண்பர், அவர் மீது எனக்கு மிகுந்த மரியாதை உண்டு. ஆனால் சிஎஸ்கே அவரை அடுத்த ஆண்டு விடுவிக்க வேண்டும் என்று நினைக்கிறேன்.”அதேபோல், ரவீந்திர ஜடேஜா மற்றும் விஜய் சங்கர் ஆகியோரும் அணியில் இருந்து நீக்கப்பட்டால், சிஎஸ்கே நல்ல தொகையுடன் மினி ஏலத்திற்குச் செல்லும்.

மேலும் அப்படி மினி ஏலத்திற்குச் செல்லும்போது, ​​பிக் பேஷ் அல்லது பிற லீக்குகளில் சிறப்பாக விளையாடும் வீரர்களை வாங்க முயற்சி செய்யலாம். ஏனென்றால் தற்போதைய சிஎஸ்கே அணியில் ஆட்டத்தை மாற்றக்கூடிய வீரர்கள் தேவை என்று கூறினார்.