இந்திய டெஸ்ட் அணியின் புதிய கேப்டன்சி குறித்து பிசிசிஐ எடுக்கப் போகும் முடிவு தான் என்ன...???
இந்திய டெஸ்ட் அணியில் ஒரு பெரிய மாற்றம் நடக்க உள்ளது. இந்திய அணியின் கேப்டனாகவும், துணை கேப்டனாகவும் இரண்டு இளம் வீரர்கள் நியமிக்கப்பட உள்ளதாக தகவல்கள் வெளியாகியுள்ளன.
ரோகித் சர்மா இந்திய டெஸ்ட் அணியில் இருந்து விலகி டெஸ்ட் போட்டிகளில் இருந்து ஓய்வு பெறுவதாக அறிவித்துள்ளார்.விராட் கோலியும் தனது ஓய்வு அறிவிப்பை பிசிசிஐக்கு தெரிவித்துள்ளார்.
இது ஒருபுறம் இருக்க, இந்தியா 2025-2027 ஆண்டிற்கான உலக டெஸ்ட் சாம்பியன்ஷிப்பில் பங்கேற்க உள்ளது. இதனால் இந்திய டெஸ்ட் அணி அடுத்த இரண்டு ஆண்டுகளுக்கு ஒரே கேப்டனின் தலைமையின் கீழ் விளையாட வேண்டும் என்பதில் இந்திய பயிற்சியாளர் கவுதம் கம்பீர் உறுதியாக உள்ளார்.
ஜஸ்பிரித் பும்ரா இந்திய டெஸ்ட் அணியின் தகுதியான கேப்டன், ஆனால் அவருக்கு காயம் ஏற்பட வாய்ப்புள்ளது. அவர் ஒரு வேகப்பந்து வீச்சாளர் என்பதால் அவருக்கு நீண்ட டெஸ்ட் தொடர்களுக்கு இடையில் ஓய்வு அளிக்கப்பட வேண்டும். எனவே இந்திய டெஸ்ட் அணியின் கேப்டன் பதவியை அவருக்கு வழங்க வேண்டாம் என்று பிசிசிஐ முடிவு செய்துள்ளது.
இந்நிலையில் இந்திய டெஸ்ட் அணியின் கேப்டனாக சுப்மன் கில்லை நியமிக்க முடிவு செய்யப்பட்டுள்ளதாக கூறப்படுகிறது. இந்திய டெஸ்ட் அணியின் துணை கேப்டனாக ரிஷப் பண்ட் நியமிக்கப்பட உள்ளார்.ஐபிஎல் தொடரில் அணியின் தலைவராக இருக்கும் சுப்மன் கில் மற்றும் ரிஷப் பண்ட் ஆகியோரின் செயல்திறனைக் கருத்தில் கொண்டு இந்த முடிவு எடுக்கப்பட்டதாக கூறப்படுகிறது.
இந்திய அணியின் முன்னாள் தொடக்க வீரர் சேவாக்கிற்கு பதிலாக ரோஹித் சர்மாவும், கிரிக்கெட்டின் கடவுள் சச்சின் டெண்டுல்கருக்குப் பதிலாக விராட் கோலியும் சிறப்பாக செயல்பட்டு வந்த நிலையில் இவர்களின் ஓய்வு அறிவிப்பு ரசிகர்களிடையே பெரும் அதிர்ச்சியை ஏற்படுத்தியுள்ளது.
இந்நிலையில் இரண்டு ஜாம்பவான்களின் இடத்தை யார் நிரப்புவார்கள் என்பது தற்போது பிசிசிஐ க்கு மிகப்பெரிய சவாலாக உள்ளது.
Follow us on : click here
Instagram : https://www.instagram.com/sg_tamilan_official?igsh=eG16Z3B6NW93bmw0
Facebook : https://www.facebook.com/profile.php?id=100089382270449&mibextid=ZbWKwL
Telegram : https://t.me/tamilan
