அதிர்ச்சி வீடியோ வைரல்...!!! நூலிலையில் உயிர் தப்பிய 9 வயது சிறுவன்..!!!
சிங்கப்பூர்:சிங்கப்பூரின் மவுல்மைன் சாலையில், 9 வயது சிறுவன் ஒருவர் போக்குவரத்து ஒழுங்குகளை பின்பற்றாமல் சாலையை கடக்க முயன்றபோது, ஒரு கார் மோதி அவர் கீழே விழுந்த சம்பவம் அதிர்ச்சியை ஏற்படுத்தியுள்ளது.
இந்த சம்பவத்தின் வீடியோ வைரலாகி சமூக வலைதளங்களில் பரவியுள்ளது.
எஸ்ஜி ரோடு விஜிலன்ட் யூடியூப்பில் பகிர்ந்துள்ள வீடியோவில், பள்ளி சீருடையில் இருந்த ஒரு சிறுவன் மவுல்மைன் சாலையில் விதிகளை பின்பற்றாமல் சாலையைக் கடப்பது தெளிவாக தெரிகிறது.
சாலையில் மூன்று பாதைகள் உள்ளன. மேலும் ஒரு கருப்பு நிற கார் தப்பிக்க முடியாமல் வலதுபுறப் பாதையில் இருந்த சிறுவன் மீது மோதியது.
மோதியதில் சிறுவன் சாலையின் நடுவில் விழுந்தான்.
விபத்து ஏற்படும்போது ஒரு மோட்டார் சைக்கிளும் ஒரு காரும் அந்தச் சிறுவனை கடந்து சென்றது.
ஆனால் அதிர்ஷ்டவசமாக அவை சிறுவன் மீது மோதவில்லை.
இதனால் பெரிய விபத்து தவிர்க்கப்பட்டது.
சிறுவன் சுயநினைவுடன் மருத்துவமனைக்கு கொண்டு செல்லப்பட்டார்.
இந்த விபத்தில் தொடர்புடைய 72 வயது ஓட்டுநர் விசாரணைக்கு உதவி வருகிறார்.
மேலும் இச்சம்பவம் தொடர்பான விசாரணை நடைபெற்று வருகிறது.
Follow us on : click here
WHATSAPP CHANNEL LINK
Instagram : https://www.instagram.com/sg_tamilan_official?igsh=eG16Z3B6NW93bmw0
Facebook : https://www.facebook.com/profile.php?id=100089382270449&mibextid=ZbWKwL
Telegram : https://t.me/tamilan