தீவு முழுவதும் நடத்தப்பட்ட சோதனையில் பிடிபட்ட 176 பேர்..!! காரணம்..??
சிங்கப்பூர்:சிங்கப்பூரில் அதிகாரிகளைப் போல ஆள்மாறாட்டம் செய்தல், முதலீட்டு மோசடிகள், வேலைவாய்ப்பு மோசடிகள் உள்ளிட்ட பல்வேறு வகை மோசடிகளை கட்டுப்படுத்தும் நோக்கில், தீவு முழுவதும் போலீசார் ஒருங்கிணைந்த கடும் நடவடிக்கையை மேற்கொண்டனர்.
இச்சம்பவத்தில் கிட்டத்தட்ட S$540,000 சட்டவிரோத நிதியை மீட்டுள்ளனர்.
காவல்துறையின் ஊழல் தடுப்பு கட்டளை,காவல்துறை ஊழல் தடுப்பு புலனாய்வுக் குழுவுடன் இணைந்து, நவம்பர் 17 முதல் 28 வரை இந்த சிறப்பு நடவடிக்கையை நடத்தியதாக போலீசார் வெளியிட்ட அறிக்கையில் தெரிவித்துள்ளனர்.
இந்த காலகட்டத்தில், மோசடி எதிர்ப்பு கட்டளை மையம் உள்ளூர் வங்கிகளுடன் நெருக்கமாக இணைந்து செயல்பட்டு, மோசடி நடவடிக்கைகளுக்குப் பயன்படுத்தப்பட்டதாக சந்தேகிக்கப்படும் 176 வங்கிக் கணக்குகளை கண்டறிந்து முடக்கியது. இதன் மூலம், 539,000 சந்தேகத்திற்குரிய மோசடி வருமானம் பறிமுதல் செய்யப்பட்டது.
இந்த விசாரணையின் ஒரு பகுதியாக, மொத்தம் 128 ஆண்களும் 48 பெண்களும் விசாரிக்கப்பட்டனர். 16 முதல் 85 வயதுக்குட்பட்ட இவர்கள், பணமோசடி நடவடிக்கைகளுக்காக தங்களின் வங்கிக் கணக்குகளை பிறரிடம் ஒப்படைத்ததாக சந்தேகிக்கப்படுகின்றனர்.
மேலும், மோசடி நடவடிக்கைகளுடன் தொடர்புடைய 880க்கும் மேற்பட்ட ஆன்லைன் கணக்குகள் முடக்கப்பட்டதுடன், 1,000க்கும் அதிகமான தொலைபேசி இணைப்புகள் நிறுத்தப்பட்டன. இதற்காக, சமூக ஊடக நிறுவனங்கள், தகவல் தொடர்பு தளங்கள் மற்றும் தொலைத்தொடர்பு நிறுவனங்களுடன் காவல்துறை இணைந்து செயல்பட்டுள்ளது.
மோசடி நடவடிக்கைகளில் ஈடுபடும் எவரையும் காவல்துறை அலட்சியப்படுத்தாது என்றும், சட்டத்தின் கீழ் கடுமையான நடவடிக்கை எடுக்கப்படும் என்றும் அதிகாரிகள் வலியுறுத்தினர். அதே நேரத்தில், பொதுமக்கள் மோசடிகளை இணைந்து சட்ட சிக்கல்களில் சிக்கிக்கொள்ளாமல் இருக்க, தங்களின் சிங்பாஸ் கடவுச்சொற்கள், வங்கிக் கணக்குகள் மற்றும் மொபைல் போன் எண்களை பிறருக்கு வழங்க வேண்டாம் என காவல்துறை எச்சரித்துள்ளது.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK