உலகின் விலை உயர்ந்த நகரங்களின் பட்டியலில் சிங்கப்பூர் எத்தனையாவது இடம்..???

சிங்கப்பூர்: உலகின் அதிக செலவாகும் நகரங்களின் பட்டியலில், சிங்கப்பூர் தொடர்ந்து மூன்றாவது ஆண்டாக முதலிடத்தில் உள்ளது.

சுவிஸ் செல்வ மேலாண்மை நிறுவனம் ஜூலியஸ் பேர் வெளியிட்ட புதிய அறிக்கையின் படி, சிங்கப்பூரில் வாழ்க்கைச் செலவில் கணிசமான உயர்வு ஏற்பட்டுள்ளது.

அந்த அறிக்கையின் முக்கிய தகவல்கள் வருமாறு:

♦️தனியார் பள்ளிக் கட்டணம் 12% உயர்ந்துள்ளது.

♦️ஹோட்டல் அறைகளின் விலை 10% உயர்ந்துள்ளது.

♦️வணிக வகுப்பு விமானக் கட்டணங்கள் 17% உயர்ந்துள்ளன.

மேலும், கார்கள் மற்றும் பெண்களின் சொகுசு பைகள் போன்றவற்றை வாங்குவதற்கு உலகின் மிகவும் விலையுயர்ந்த நகரமாகவும் சிங்கப்பூர் திகழ்கிறது.

இவ்வளவு செலவுகள் இருந்தபோதிலும், உயர்தர கல்வி மற்றும் சுகாதார வசதிகள் போன்ற அம்சங்கள் காரணமாக, சிங்கப்பூர் மிக உயர்ந்த நிகர மதிப்புடைய தனிநபர்களையும் பணக்கார குடும்பங்களையும் ஈர்க்கிறது.

இதே அறிக்கையில், மற்ற நகரங்களின் தரவரிசை குறித்து பின்வருமாறு குறிப்பிடப்பட்டுள்ளது:

🔶️லண்டன், ஹாங்காங்கை முந்தி இரண்டாவது இடத்திற்கு உயர்ந்துள்ளது.

🔶️ஹாங்காங் மூன்றாவது இடத்திற்கு சரிந்துள்ளது.

லண்டன், தனியார் கல்வி மற்றும் வணிக நிர்வாக முதுகலைப் பட்டம் போன்றவற்றுக்கு உலகின் மிக விலையுயர்ந்த நகரமாகத் திகழ்கிறது. ரியல் எஸ்டேட், நகைகள், மருத்துவ சேவைகள் ஆகியவையும் அதிக விலையுள்ளவை எனக் குறிப்பிடப்பட்டுள்ளது.

ஹாங்காங்கில் வீட்டு விலைகள், ஆண்கள் சூட்கள், மிதிவண்டிகள் மற்றும் தொழில்நுட்ப சாதனங்களில் விலை குறைந்துள்ளது. மேலும், மதுபான வரிகள் குறைவதால் ஷாம்பெயின் விலை 25 சந்தைகளில் மிகவும் குறைவாக இருந்தது. இருப்பினும், சட்டக் கட்டணங்களில் ஹாங்காங் முதலிடத்தில் உள்ளது.

இந்த முடிவுகள் 2023 டிசம்பர் முதல் 2024 ஏப்ரல் வரை 25 முக்கிய நகரங்களில் ஆடம்பரப் பொருட்கள் மற்றும் உயர் தர சேவைகளின் விலை மாற்றங்களை ஆராய்ந்த பிறகு வெளியிடப்பட்டதாக அறிக்கையில் குறிப்பிடப்பட்டுள்ளது.

Follow us on : click here

WHATSAPP CHANNEL LINK