சிங்கப்பூர் பங்குச் சந்தையில் புதிய வரவு..!! டெலிகி குழுமப் பட்டியலின் முக்கிய விவரங்கள்..!!
சிங்கப்பூர் பங்குச் சந்தையின் (SGX) முதன்மைப் பலகையில் தீ பாதுகாப்பு அமைப்புகளுக்கான ஒப்பந்ததாரர் நிறுவனமான டெலிகி குழுமம் இன்று (அக்டோபர் 16) அதிகாரப்பூர்வமாகப் பட்டியலிடப்பட்டது. இந்நிறுவனத்தின் பங்குகள் S$0.63 விலையில் வர்த்தகத்தைத் தொடங்கின. இதன் பங்கு வர்த்தகக் குறியீடு “9DC” ஆகும்.
1983-ஆம் ஆண்டு நிறுவப்பட்ட டெலிகி குழுமம், சிங்கப்பூரைத் தலைமையிடமாகக் கொண்டு செயல்பட்டு வருகிறது. தீ பாதுகாப்பு அமைப்புகளின் வடிவமைப்பு, முன் தயாரிப்பு, நிறுவுதல், பராமரிப்பு மற்றும் பழுதுபார்த்தல் உள்ளிட்ட முழுமையான சேவைகளை இந்நிறுவனம் வழங்குகிறது.
மேலும், தீ தடுப்பு மற்றும் பாதுகாப்பு அமைப்புகளுக்காகக் கட்டிட மற்றும் கட்டுமான ஆணையத்தின் (BCA) நிலை 6 தகுதியைப் பெற்ற முதல் ஒப்பந்ததாரர் நிறுவனம் என்ற சிறப்பையும் டெலிகி குழுமம் பெற்றுள்ளது. இந்தத் தகுதி, பெரிய அளவிலான வணிக, தொழில்துறை மற்றும் உள்கட்டமைப்புத் திட்டங்களை மேற்கொள்ள நிறுவனத்துக்கு உதவுகிறது.
சிங்கப்பூர் மட்டுமின்றி தாய்லாந்து, மலேசியா, வியட்நாம் மற்றும் மியான்மர் ஆகிய நாடுகளிலும் தனது வணிகத்தை விரிவுபடுத்தியுள்ள இந்நிறுவனம், உள்கட்டமைப்பு, சுகாதாரம், மின்சாரம், பெட்ரோலிய வேதிப்பொருட்கள் மற்றும் கடல்சார் தொழில்கள் உள்ளிட்ட பல்வேறு துறைகளுக்குச் சேவை வழங்கி வருகிறது.
தி எட்ஜ் சிங்கப்பூர் வெளியிட்ட தகவலின்படி, டெலிகி குழுமத்தின் ஆரம்பப் பொதுப் பங்கு வெளியீடு (IPO) முதலீட்டாளர்களிடையே நல்ல வரவேற்பைப் பெற்றுள்ளது. மொத்தப் பங்கு வெளியீடு 3.86 மடங்கு மிகைச் சந்தாவைப் பெற்றது.
இதில், ஒதுக்கப்பட்ட 14.8 மில்லியன் பங்குகளுக்கான சந்தா 3.42 மடங்காகவும், பொதுமக்களுக்காக ஒதுக்கப்பட்ட 800,000 பங்குகளுக்கான சந்தா 11.97 மடங்காகவும் பதிவாகியுள்ளது. இதன் மூலம், நிறுவனத்தின் பங்கு வெளியீட்டில் முதலீட்டாளர்கள் அதிக ஆர்வம் காட்டியிருப்பது தெரியவந்துள்ளது.
Follow us on :
Premium Job Link:https://www.sgtamilan.com/product/premium-member-ship
WHATSAPP CHANNEL LINK