நிதி திரட்டும் நடவடிக்கையில் ஈடுபட சிங்கப்பூரருக்குத் தடை…!!

சிங்கப்பூர்: சிங்கப்பூரரான 26 வயதான யூஜின் லியாவ் சியா ஹா, நிதி திரட்டும் நடவடிக்கைகளில் ஈடுபடுவதற்கு தடை விதிக்கப்பட்டுள்ளது.

கலாச்சார,சமூக,இளைஞர் அமைச்சகம் மற்றும் சமூக குடும்ப மேம்பாட்டு அமைச்சகம் ஆகியவை இணைந்து செவ்வாய்க்கிழமை (ஜூன் 10) வெளியிடப்பட்ட ஒரு கூட்டு அறிக்கையில்,ஒரு அறநிறுவனத்தின் பெயரில் நிதி திரட்டலில் ஈடுபடும்போது பின்பற்ற வேண்டிய பல விதிமுறைகளை திரு.லியாவ் மீறியதாக தெரிவித்தன.

இதன் விளைவாக, ஜூன் 10 முதல் தொண்டு மற்றும் மனிதாபிமான நடவடிக்கைகளுக்கு நிதி திரட்டுவதற்கு அவருக்கு தடை விதிக்கப்பட்டுள்ளது.

ஜூன் 9 ஆம் தேதி அறநிலையத்துறை ஆணையர் இந்தத் தடையை அரசிதழில் வெளியிட்டார்.

திரு.லியாவ்வின் நிறுவனமான ‘டைரக்ட் ஹோப்’ மேற்கொண்ட நிதி திரட்டும் நடவடிக்கைகள் குறித்து ஜூலை 2023 முதல் கடந்த ஆண்டு ஜனவரி வரை அறக்கட்டளை ஆணையம் சில கருத்துகளைப் பெற்றது.