சிங்கப்பூரை அதிரவைத்த லஞ்சச் சதி..??? என்ன நடந்தது..??? தெரிந்து கொள்ள இந்த பதிவை முழுவதுமாக படியுங்கள்..!!

சிங்கப்பூர்: சிங்கப்பூரில் செயிண்ட் ஜோசப் நிறுவனத்தின் (SJI) முன்னாள் வசதி மேலாளர் ஹுவாங் ஜிக்சின், மூன்று தொழில் தொடர்புகளிடமிருந்து S$67,000க்கும் அதிகமான லஞ்சம் பெற்றதாக குற்றம் சாட்டப்பட்டுள்ளார். இன்று (18.09.25) நான்கு பேர் நீதிமன்றத்தில் குற்றம் சாட்டப்பட்டனர்.

ஊழல் நடைமுறைகள் புலனாய்வுப் பணியகம் (CPIB) வெளியிட்ட தகவலின்படி, 58 வயதான ஹுவாங் ஜிக்சின், தனது பதவியை பயன்படுத்தி FB Services & Furnishing, Yukon Air Services, மற்றும் Integrated Security Solution Asia Pacific நிறுவனங்களுடன் வணிக ஒப்பந்தங்களை எளிதாக்கி, பதிலுக்கு பணம் பெற்றதாக சந்தேகிக்கப்படுகிறார்.

யார் மீது என்ன குற்றச்சாட்டுகள்?

🔶️ ஹுவாங் ஜிக்சின் (58) – 9 ஊழல் குற்றச்சாட்டுகள் (8 இணைக்கப்பட்டவை).

🔶️ சாங் மெய்ஜுவான் (53), FB Services விற்பனை மேலாளர் – 4 குற்றச்சாட்டுகள்.

🔶️ சென் லிலன் (71), Integrated Security Solution தலைவர் – 4 குற்றச்சாட்டுகள்.

🔶️ ஹுவாங் ஜியான்வே (48), Yukon Air Services இயக்குநர் – 1 குற்றச்சாட்டு.

முக்கிய குற்றச்சாட்டுகள்:

👉2018 பிப்ரவரி முதல் 2020 ஜூலை வரை, FB Services நிறுவன ஒப்பந்தங்களுக்கு ஆதரவாக சாங் மெய்ஜுவானிடமிருந்து மொத்தம் S$24,820 லஞ்சம் பெற்றதாக குற்றச்சாட்டு.

👉2020 ஆகஸ்ட் முதல் 2022 செப்டம்பர் வரை, மீண்டும் சாங் மெய்ஜுவானிடமிருந்து S$34,480 மேலும் 2023 ஜனவரியில் S$300 பெற்றதாக குற்றம் சாட்டப்பட்டது.

👉2021 ஜனவரி – பிப்ரவரி காலத்தில், Yukon Air Services ஒப்பந்தத்துக்காக ஹுவாங் ஜியான்வேயிடமிருந்து S$5,000 பெற்றதாக குற்றச்சாட்டு.

👉2020 ஆகஸ்ட் முதல் 2022 ஏப்ரல் வரை, Integrated Security Solution நிறுவனத்துக்காக சென் லிலனிடமிருந்து குறைந்தது S$2,500 பெற்றதாக குற்றச்சாட்டு.

👉மேலும், 2019 – 2020 காலத்தில் CCTV விலைப்புள்ளிகளை தவறாக சமர்ப்பித்து கல்லூரியை ஏமாற்றும் முயற்சியிலும் ஹுவாங் ஜிக்சின் தொடர்புடையதாக CPIB தெரிவித்துள்ளது.

நீதிமன்றத்தில் ஹுவாங் ஜிக்சின் குற்றத்தை ஒப்புக்கொள்வதாகவும், வழக்கறிஞரை நியமிக்கப் போவதில்லை என்றும் கூறினார்.
சென் லிலன் குற்றத்தை ஒப்புக்கொள்வேன், ஆனால் வழக்கறிஞரை நியமிப்பேன் என தெரிவித்தார்.ஹுவாங் ஜியான்வே சட்ட ஆலோசனை பெறுவதாகும் பிறகு முடிவு செய்வதாகவும் கூறியுள்ளார்.சாங் மெய்ஜுவான் அடுத்த விசாரணைக்கு ஒத்திவைக்கப்பட்டார்.

இந்த வழக்கில் சாங் மெய்ஜுவான், சென் லிலன் மற்றும் ஹுவாங் ஜியான்வே அக்டோபர் 16 அன்று மீண்டும் நீதிமன்றத்தில் ஆஜராகவுள்ளனர்.
ஹுவாங் ஜிக்சின் வழக்கு அக்டோபர் 30 அன்று விசாரிக்கப்பட உள்ளது.