அட எப்ப தான் பா வெளியாகும்.!! ரசிகர்களை காக்க வைக்கும் “மிஸ்டர் ஜூகிப்பர்”..!!

விஜய் டிவியில் ஒளிபரப்பாகும்’கலகபோவது யாரு?’ ‘சிரிச்சா போச்சு’ போன்ற நிகழ்ச்சிகள் மூலம் பிரபலமானவர்தான் புகழ்.

இவரின் எதார்த்தமான காமெடியை ரசிக்காதவர்கள் யாரும் இருக்க மாட்டார்கள். இதனாலையே இவருக்கு ஏகப்பட்ட ரசிகர்கள்.

அதன் பிறகு அவருக்கு ‘குக் வித் கோமாளி’ நிகழ்ச்சியில் பங்கேற்கும் வாய்ப்பு கிடைத்தது. இந்த நிகழ்ச்சியில் பங்கேற்ற பிறகு அவருக்கு ஏராளமான ரசிகர்கள் கிடைத்தனர்.

இப்போது அவருக்கு படங்களில் நடிக்க வாய்ப்பு கிடைத்துள்ளது.நகைச்சுவை வேடங்களில் நடித்து வந்த இவர், சசிகுமார் நடித்த ‘அயோத்தி’ படத்தில் ஒரு குணச்சித்திர வேடத்தில் தனது சிறப்பான நடிப்பை வெளிப்படுத்தியிருந்தார்.

அதன் பிறகு கௌதம் கார்த்திக் நடித்த’1947′ என்கிற படத்தில் அவர் பேச முடியாத ஒரு ஊனமுற்ற நபராக நடித்து அசத்தினார்.

எனவே அவரை ஹீரோவாக வைத்து ‘மிஸ்டர் ஜூ கீப்பர்’ என்ற படம் தயாரிக்கப்பட்டு வந்தது. இவருக்கு ஜோடியாக ஷிரின் காஞ்ச்வாலா நடிக்கிறார்.இந்த படத்தை ஜே சுரேஷ் இயக்க, ஜே4 ஸ்டுடியோஸ் தயாரித்துள்ளது. மேலும் இப் படத்திற்கு யுவன் ஷங்கர் ராஜா இசையமைத்துள்ளார்.

இந்தப் படம் சில வருடங்களுக்கு முன்பு படமாக்கப்பட்டது. ஆனால் இன்னும் வெளியிடப்படவில்லை.