உட்லண்ட்ஸ் சோதனைச் சாவடி அருகே விபத்து!! இருவருக்கு காயம்!!

சிங்கப்பூரில் உட்லண்ட்ஸ் சோதனைச்சாவடி அருகே இன்று விபத்து ஏற்பட்டுள்ளது.

இந்த விபத்தில் இருவருக்கு லேசான காயம் ஏற்பட்டது.ஆனால் இருவரும் மருத்துவமனைக்கு செல்ல மறுத்து விட்டனர்.

இச்சம்பவம் குறித்து இன்று காலை சுமார் 11.50 மணியளவில் தகவல் வந்ததாக சிங்கப்பூர் குடிமைத் தற்காப்புப் படை 8 World செய்தித்தளத்திடம் கூறியது.

ஒரு சாலை தற்காலிகமாக மூடப்பட்டது.மேலும் அவ்வழியாக செல்லும் வாகனமோட்டிகள் கூடுதல் பயண நேரத்தை எதிர்பார்க்கலாம் என்று தெரிவிக்கப்பட்டது.

இன்று பிற்பகல் சுமார் 1.20 மணியளவில் அனைத்து சாலைகளும் வழக்கம் போல் செயல்பட்டதாக குடிநுழைவு, சோதனைச் சாவடிகள் ஆணையம் தனது முகநூல் பக்கத்தில் தெரிவித்தது.