பேருந்து நிறுத்தம் அருகே உயிரிழந்த பறவைகள்..!!! அதிர்ச்சி தரும் பின்னணி..!!
சிங்கப்பூர்: நியு ரு சாங் சாலையில் உள்ள பேருந்து நிறுத்தத்தின் கண்ணாடி பலகையில் மோதியதால் பல பறவைகள் இறந்த சம்பவம், இயற்கை ஆர்வலர்களிடையே கவலை ஏற்படுத்தியுள்ளது.
இதைத் தொடர்ந்து, அதிகாரிகள் கண்ணாடிப் பகுதியில் ஒளி ஊடுருவக்கூடிய ஸ்டிக்கர்களை ஒட்டியுள்ளனர்.
இந்த மாதம் 9 ஆம் தேதி காலை 8 மணியளவில் அப்பகுதியைக் கடந்து சென்ற சென் சாண்டே என்ற இணையவாசி, பேருந்து நிறுத்தம் அருகே ஒரு இளஞ்சிவப்பு கழுத்துள்ள பச்சைப் புறா அசையாமல் கிடந்ததை கண்டதாக சமூக ஊடகத்தில் பதிவிட்டார். பறவை சமீபத்தில் கண்ணாடியில் மோதியதாக அவர் குறிப்பிட்டார்.
அதனைத் தொடர்ந்து, மேலும் மூன்று ஆசிய பளபளப்பான நட்சத்திரக்குஞ்சுகள் அதே கண்ணாடி பலகையில் மோதியதும், தரையில் விழுந்ததும் அவர் கவனித்தார். இரண்டு பறவைகள் சில நொடிகளில் பறந்துச் சென்றன.மற்றொரு பறவை காயமடைந்து சில நிமிடங்கள் கழித்து மீண்டும் எழுந்தது.
சென் சாண்டே, காயமடைந்த பறவையை பாதுகாப்பான இடத்துக்கு நகர்த்தி, விலங்கு நல ஆராய்ச்சி சங்கமான ACRES-ஐ தொடர்பு கொண்டார். ACRES தெரிவித்ததாவது, பறவைகளால் வெளிப்படையான பேனல்களை வேறுபடுத்திப் பார்க்க முடியாததால் மோதல்கள் ஏற்படுகின்றன. மேலும் இத்தகைய மோதல்கள் பெரும்பாலும் கடுமையான காயங்களுக்கு வழிவகுக்கும் என்று கூறியது.
ACRES இந்த விஷயத்தை நிலப் போக்குவரத்து ஆணையத்திடம் (LTA) எடுத்துச் சென்று, பறவைகள் மோதும் வாய்ப்பைக் குறைக்க கண்ணாடி பலகைகளில் வடிவமைப்பு மாற்றம் செய்யவோ அல்லது ஸ்டிக்கர்கள் ஒட்டவோ பரிந்துரைத்துள்ளது. “தேவைப்பட்டால் நாங்கள் உதவத் தயாராக உள்ளோம்,” என ACRES தெரிவித்தது.
இந்த பேருந்து நிறுத்தம் ஒரு இயற்கை சரணாலயத்திற்கு அருகில் அமைந்திருப்பதால், இத்தகைய சம்பவங்கள் மீண்டும் நடைபெறாமல் இருப்பதற்கான நடவடிக்கைகள் அவசியம் என இயற்கை ஆர்வலர்கள் வலியுறுத்தினர்.
இதுகுறித்து சென் சாண்டேதெரிவித்ததாவது, இன்று மாலை (15.11.25) அவர் அதே இடத்தை கடந்து சென்றபோது, சில கண்ணாடிப் பகிர்வுகளில் ஏற்கனவே புள்ளி ஸ்டிக்கர்கள் ஒட்டப்பட்டிருந்தன.மீதமுள்ள பகுதிகளிலும் குறியீடுகள் வைக்கப்பட்டிருந்தன. “அதிகாரிகள் விரைவாக பதிலளித்தது நம்பிக்கையளிக்கிறது,” என அவர் கூறினார்.
ACRES பொதுமக்களிடம் “பறவை இன்னும் உயிருடன் இருந்தால், அதைத் தொடாமல் விலங்கு பராமரிப்பாளரைத் தொடர்பு கொள்ளுங்கள். மேலும் அதற்கு உணவளிக்கவோ தண்ணீர் கொடுக்கவோ வேண்டாம்.இது காயங்களை இன்னும் மோசமாக்கலாம் என்று வலியுறுத்தியது.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK