பயணிகளுக்கு முக்கிய அறிவிப்பு..!! லூப் லைன் எம்ஆர்டியில் சேவை மாற்றம்..!!
சிங்கப்பூர்:சிங்கப்பூரின் சர்க்கிள் லைன் MRTயில் உள்ள இரண்டு சுரங்கப்பாதைகளில் வலுப்படுத்தல் பணிகள் மேற்கொள்ளப்படுவதால், சில நிலையங்களுக்கு இடையிலான ரயில் சேவைகளில் தற்காலிக மாற்றங்கள் செய்யப்பட உள்ளன.
இதற்காக, ஜனவரி 17 முதல் ஏப்ரல் 19 வரை பாயா லெபார், டகோட்டா மற்றும் மவுண்ட்பேட்டன் நிலையங்களை இணைக்கும் இரண்டு சுரங்கப்பாதைகள் சுழற்சி முறையில் மூடப்படும் என SMRTஅறிவித்துள்ளது.
இந்த காலகட்டத்தில் பாதுகாப்பை உறுதி செய்யும் வகையில் ரயில்கள் இயக்கப்படுவதற்காக ஒரே ஒரு சுரங்கப்பாதை மட்டுமே பயன்படுத்தப்படும்.
சுரங்கப்பாதை பணிகள் நடைபெறும் நேரத்தில், மேற்கண்ட மூன்று நிலையங்களிலும் ரயில்கள் ஒரே நடைமேடையில் இருந்து மட்டுமே இயக்கப்படும்.
இதனால், ரயில் சேவையின் இடைவெளி 10 நிமிடங்களாக அதிகரிக்கப்படும். பயணிகள் கூடுதல் நேரம் எடுத்துக் கொள்ள வேண்டும் என்றும், தங்கள் பயணத்தை முன்கூட்டியே திட்டமிட வேண்டும் என்றும் SMRT அறிவுறுத்தியுள்ளது.
புதிய ஷட்டில் பேருந்து சேவைகள் தொடங்கப்படுகின்றன.வார நாட்களில் காலை மற்றும் மாலை நெரிசல் நேரங்களில், பாயா லெபார், டகோட்டா, மவுண்ட்பேட்டன் மற்றும் ஸ்டேடியம் பகுதிகளுக்கு இடையே ஷட்டில் பேருந்து எண் 38 இயக்கப்படும்.இந்த பேருந்துகள் காலை 6.30 முதல் 9.30 மணி வரை மற்றும் மாலை 5 மணி முதல் இரவு 8 மணி வரை, ஒவ்வொரு 6 முதல் 10 நிமிடங்களுக்கும் புறப்படும்.
இதனைத் தவிர, ஷட்டில் பேருந்து எண் 37 மூன்று தனித்தனி வழித்தடங்களாகப் பிரிக்கப்பட்டு இயக்கப்படுகிறது. அதன்படி, ஷட்டில் பேருந்து 37A காலை 7 மணி முதல் 9 மணி வரை சிராங்கூனில் இருந்து தாமன் தேசா, மேக்பெர்சன் மற்றும் பாயா லெபார் வரை செல்லும். அதேபோல், ஷட்டில் பேருந்து 37B மாலை 5.30 முதல் 7.30 மணி வரை தாமன் தேசாவிலிருந்து பிஷான் வரை இயக்கப்படும். இதே நேரத்தில், ஷட்டில் பேருந்து 37C தாமன் தேசாவிலிருந்து சிராங்கூனுக்கு சேவை வழங்கும்.
இந்த ஏற்பாடுகள் மூலம், லூப் லைன் சேவையை பாதுகாப்பாக மேம்படுத்துவதோடு, பயணிகளின் அன்றாட பயணத்தில் ஏற்படும் சிரமங்களை குறைப்பதே நோக்கம் என எஸ்எம்ஆர்டி தெரிவித்துள்ளது. பயணிகள் அதிகாரப்பூர்வ அறிவிப்புகள் மற்றும் வழித்தட தகவல்களை கவனித்து, தங்களது பயணத்தை திட்டமிடுமாறு கேட்டுக்கொள்ளப்பட்டுள்ளனர்.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK