சிங்கப்பூர் - பிலிப்பைன்ஸ் ஆலோசனை..!! எதற்கு?
சிங்கப்பூருக்கும் பிலிப்பைன்ஸுக்கும் இடையே ஒத்துழைப்பு மற்றும் அனுபவங்களை பரிமாறிக் கொள்ள ஆலோசனை மேற்கொள்ளப்பட்டது.
இரு நாடுகளும் தங்களுடைய இரு தரப்பு செயல்திட்டம் குறித்து தற்போது ஏழாவது முறைசாரா ஆலோசனை நடத்தி வருகிறது.
இந்த ஆலோசனைகள் உள்ளூரில் நடத்தப்பட்டது. சிங்கப்பூர் வெளியுறவு அமைச்சகத்தின் நிரந்தர செயலாளர் ஆல்பர்ட் சுவா மற்றும் பிலிப்பைன்ஸ் வெளியுறவு அமைச்சகத்தின் துணைச் செயலாளர் மா. ஹெலன் பி டி லா வேகா ஆகியோர் இணைந்து தலைமை தாங்கி நடத்தியுள்ளதாக சிங்கப்பூரின் வெளியுறவு அமைச்சகம் அறிக்கையை வெளியிட்டுள்ளது.
இந்த ஆலோசனையில் வர்த்தகம் மற்றும் முதலீடு, பாதுகாப்பு மற்றும் சுகாதாரம், தொழில்நுட்ப ஒத்துழைப்பு போன்ற துறைகளில் மேம்படுத்துவது குறித்து கணிசமான விவாதங்களை இரு தலைவர்களும் மேற்கொண்டனர்.
மேலும் வேளாண், உணவு பல்லுயிர் பாதுகாப்பு, டிஜிட்டல் மற்றும் பசுமை பொருளாதாரம் போன்று வளர்ந்து வரும் துறைகளில் ஒத்துழைப்பை மேலும் வலுப்படுத்துவதற்காகவும் பேச்சுவார்த்தை நடத்தப்பட்டது.
சர்வதேச நிலைமைகள் மற்றும் பிராந்திய குறித்த கருத்துகளையும் பரிமாறிக் கொண்டனர் ஆசிய யானை மையமாகக் கொண்ட விதிகள் அடிப்படையிலான பலதரப்பு ஒழுங்கை நிலை நிறுத்துவதன் முக்கியத்துவத்தை பற்றியும், அதிகரித்து வரும் சிக்கலான உலகளாவிய சூழலில் பிராந்திய பொருளாதார ஒருங்கிணைப்பை மேலும் மேம்படுத்துவது குறித்தும் வலியுறுத்தினர்.
அடுத்த ஆண்டு ஆசியான் தலைமை பொறுப்பை பிலிப்பைன்ஸ் ஏற்பதற்கு சிங்கப்பூர் வலுவாக ஆதரவை தெரிவித்துள்ளது. பிலிப்பைன்ஸ் தலைமை பொறுப்பிற்கு முன்னும் பின்னும் ஒத்துழைப்பை எவ்வாறு மேலும் வலுப்படுத்துவது என்பது குறித்தும் இருவருக்கும் இடையே விவாதம் நடத்தப்பட்டது.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK