தாய்லாந்தில் கைது செய்யப்பட்ட சிங்கப்பூரர்..!! காரணம் என்ன..??

சிங்கப்பூர்:கம்போடியாவில் பன்னாட்டு மோசடி கும்பலில் ஈடுபட்டதாகக் கூறப்படும் சிங்கப்பூரர் ஒருவர் தாய்லாந்தில் உள்ள தனது மனைவியின் வீட்டில் கைது செய்யப்பட்டார். 32 வயதான பிரையன் சீ எங் ஃபா, சிங்கப்பூர் அதிகாரிகளின் வேண்டுகோளின் பேரில் தாய்லாந்தின் கோன் கேன் மாகாணத்தில் தாய்லாந்து காவல்துறையினரால் கைது செய்யப்பட்டார்.

தாய்லாந்து தொழில்நுட்ப குற்றத் தடுப்புப் பிரிவின்படி, அவர் இன்டர்போல் தேடப்படும் 34 தப்பியோடியவர்களில் ஒருவராக இருந்தார். கம்போடியாவின் புனோம் பென்னில் செயல்பட்ட மோசடி குழுவில் நிதி மேலாளராக பணியாற்றியதாகவும், சிங்கப்பூரில் பாதிக்கப்பட்டவர்களிடம் தொலைபேசி மோசடிகள் மூலம் பணம் பறித்ததாகவும் அவர் ஒப்புக்கொண்டார். தனது மாத சம்பளம் S$735 வெள்ளி என்று கூறியுள்ளார்.