பறந்து சென்ற முதலாளி...!!!சொகுசு கார் விற்பனையில் வெளிவந்த அதிர்ச்சி...!!!

சிங்கப்பூர்: சிங்கப்பூரில் S$ 3 பில்லியன் மதிப்புள்ள போலி பண மோசடி வழக்கில் தொடர்புடைய ஒருவருக்குச் சிறை தண்டனை விதிக்கப்பட்டுள்ளது.

அவர் சூ பிங்ஹாய் எனும் நபரிடம் கார் ஓட்டுநராக பணிபுரிந்தவர்.

அவர் தனது முதலாளியின் சொகுசு கார்கள் குறித்து போலீசாரிடம் பொய் சொன்னதாக புகார் அளிக்கப்பட்டது.

லியூ யிக் கிட், 42 என அடையாளம் காணப்பட்ட அந்த நபருக்கு திங்கள்கிழமை (ஜூன் 30) மூன்று மாத சிறைத்தண்டனை விதிக்கப்பட்டது.

சிங்கப்பூரில் இதுவரை பதிவு செய்யப்பட்ட மிகப்பெரிய கள்ளப் பணமோசடி வழக்கில் குற்றவாளி என நிரூபிக்கப்பட்டு சிறைத்தண்டனை விதிக்கப்பட்ட முதல் சிங்கப்பூரர் இவர்தான்.

இந்த $3 பில்லியன் போலி பணமோசடி வழக்கு தொடர்பாக பத்து வெளிநாட்டினர் கைது செய்யப்பட்டனர்.

அவர்கள் ஆகஸ்ட் 15, 2023 அன்று சிங்கப்பூரின் பல்வேறு இடங்களில் பிடிபட்டனர்.

பிடிபட்ட பத்து பேருக்கும் சிறைத்தண்டனை விதிக்கப்பட்டது.

சிறைத்தண்டனை அனுபவித்த பிறகு, அவர்கள் நாடு கடத்தப்பட்டு சிங்கப்பூருக்குள் நுழைய தடை விதிக்கப்பட்டது.

இருப்பினும், மற்றவர்கள் கைது செய்யப்பட்ட அதே நாளில், லியூவின் முதலாளி சூ பிங்ஹாய் சிங்கப்பூரிலிருந்து மலேசியாவுக்குப் புறப்பட்டார்.

லியூ அவரை துவாஸ் சோதனைச் சாவடி வழியாக மலேசியாவிற்கு அழைத்துச் சென்றார்.

பின்னர் இருவரும் கோலாலம்பூரில் உள்ள ஒரு ஹோட்டலில் தங்கினர்.

ஆகஸ்ட் 17 அன்று, லியூ தனது முதலாளியான சூவை கோலாலம்பூர் சர்வதேச விமான நிலையத்தில் இறக்கிவிட்டார்.

அங்கிருந்து, சூ வேறொரு நாட்டிற்கு பறந்து சென்றார்.

புறப்படுவதற்கு முன், சிங்கப்பூரில் உள்ள தனது வீட்டில் நிறுத்தப்பட்டுள்ள நான்கு சொகுசு கார்களை விற்றுவிடுமாறு லியூவிடம் கூறினார்.

சூ நான்கு கார்களின் சாவியையும் லியூவிடம் ஒப்படைத்ததாக கூறப்படுகிறது.

சூவுக்குச் சொந்தமான கார்களில் ரோல்ஸ் ராய்ஸ் பேண்டம், ரோல்ஸ் ராய்ஸ் கல்லினன், ஃபெராரி எஃப்8 ஸ்பைடர் மற்றும் ஃபெராரி ஸ்ட்ராடேல் ஆகியவை அடங்கும்.

இதன் மொத்த மதிப்பு $8,364,297 என்று கூறப்படுகிறது.

விற்பனை விலையில் சுமார் ஒரு சதவீத கமிஷனை லியூ எதிர்பார்த்தார்.அதாவது அவர் சுமார் $80,000 கிடைக்கும் என்று எதிர்பார்த்தார்.

சிங்கப்பூர் திரும்பியதும், அவர் நான்கு கார்களையும் ஓட்டிச் சென்று,அப்பர் பூன் கெங் சாலையில் உள்ள ஒரு அடுக்குமாடி குடியிருப்பு வளாகத்தின் வாகன நிறுத்துமிடத்தில் நிறுத்தினார். அவற்றை விற்கவும் ஏற்பாடு செய்தார்.

‘புரோகார்ஸ்’ என்ற நிறுவனம் மூலம் நான்கு கார்களையும் விற்க லியூ ஏற்பாடு செய்தார்.

இது தொடர்பாக செப்டம்பர் 11, 2023 அன்று போலீசார் அவரை விசாரித்தனர்.

லியூ தனது முதலாளி எந்த விலையுயர்ந்த பொருட்களையும் விட்டுச் செல்லவில்லை என்று பொய் சொன்னார்.

காவல்துறையிடம் சிக்காமல் இருப்பதற்காக
அந்த நான்கு கார்களையும் அப்பர் பூன் ஹெங் சாலையில் உள்ள அடுக்குமாடி குடியிருப்பின் வாகன நிறுத்துமிடத்தில் நிறுத்தினார்.

ஆனால் அக்டோபர் 5, 2023 அன்று, சூவின் நீல நிற ரோல்ஸ் ராய்ஸ் கார் ராக்சி ஸ்குவேர் வாகன நிறுத்துமிடத்தில் இருப்பதாக போலீசாருக்கு ஒரு ரகசிய தகவல் கிடைத்தது.

லியூ அந்த காரையும் விற்க ஏற்பாடு செய்திருந்தார்.

கார்களை விற்க லியு ஏற்பாடு செய்ததாக கார் டீலர்ஷிப் போலீசாரிடம் தெரிவித்தது. பின்னர் லியு கைது செய்யப்பட்டார்.

Follow us on : click here

WHATSAPP CHANNEL LINK