ஜாலான் பஹாகியாவில் தீ விபத்து..!! 50 பேர் அவசர வெளியேற்றம்...!!

சிங்கப்பூர்: சிங்கப்பூரின் ஜாலான் பஹாகியாவில் உள்ள HDB அடுக்குமாடி குடியிருப்பில் நேற்று (09.08.25) இரவு 9.30 மணியளவில் தீ விபத்து ஏற்பட்டது.

குடிமைத் தற்காப்புப் படை தெரிவித்ததாவது, பிளாக் 34 இன் ஆறாவது மாடியில் உள்ள ஒரு அலகின் படுக்கையறையில் தீ விபத்து ஏற்பட்டது.

தீ விபத்து ஏற்பட்டபோது வீட்டில் யாரும் இல்லை என்பதால் பெரும் அசம்பாவிதம் தவிர்க்கப்பட்டது.

தகவல் கிடைத்ததும் தீயணைப்பு வீரர்கள் விரைந்து சம்பவ இடத்துக்கு சென்று தண்ணீரை பீய்ச்சி அடித்து தீயை அணைத்தனர்.

இதனால் பாதுகாப்பு முன்னெச்சரிக்கையாக சுமார் 50 பேர் வெளியேற்றப்பட்டனர்.

அதிர்ஷ்டவசமாக, உயிர்சேதம் அல்லது காயம் எதுவும் ஏற்படவில்லை.

முதற்கட்ட விசாரணையில், மின்சார விநியோக கோளாறு காரணமாக தீ ஏற்பட்டிருக்கலாம் என்று கண்டறியப்பட்டுள்ளது.

பொதுமக்கள் ஒரே மின் சாக்கெட்டில் பல மின் சாதனங்களை இணைப்பதை தவிர்க்க வேண்டும் என்றும், பயன்பாட்டில் இல்லாதபோது மின் சாதனங்களை அணைக்க வேண்டும் என்றும் குடிமைத் தற்காப்புப் படை நினைவூட்டியுள்ளது.

Follow us on : click here

WHATSAPP CHANNEL LINK