ஒரே முடிவில் ரசிகர்களை அதிரவைத்த கயாடு லோஹர்..!! சமூக ஊடகப் பக்கங்களில் இருந்து விலகியது ஏன்..?
கன்னட திரைப்படமான ‘முகில்பேட்டை’ மூலம் நடிகையாக அறிமுகமான கயாடு லோஹர். அதன்பிறகு மலையாளம், தெலுங்கு, தமிழ் உள்ளிட்ட பல மொழித் திரைப்படங்களில் நடித்து வருகிறார்.
தமிழில் பிரதீப் ரங்கநாதன் நடிப்பில் அஷ்வத் மாரிமுத்து இயக்கிய ‘டிராகன்’ திரைப்படம் மூலம் அறிமுகமான அவர் தனது முதல் படத்திலேயே ரசிகர்கள் மத்தியில் நல்ல வரவேற்பைப் பெற்றார்.
அதனைத் தொடர்ந்து மலையாளத்தில் டொவினோ தாமஸுடன் இணைந்து நடித்த ‘பள்ளிச்சட்டம்பி’ திரைப்படமும் அவருக்கு நல்ல வரவேற்பை பெற்றுத் தந்தது. தற்போது, இயக்குநர் மாரி செல்வராஜ் இயக்கவுள்ள புதிய திரைப்படத்தில் முக்கிய கதாபாத்திரத்தில் நடிக்கவும் ஒப்பந்தமாகியுள்ளார்.
மேலும் முரளி மகன் அதர்வா மற்றும் இசையமைப்பாளர் தமன் போன்ற பிரபலங்கள் நடிக்கும் ‘இதயம் முரளி’ என்ற படத்தில் கதாநாயகியாக நடித்து திரைக்கு வருவதற்கு அது தயாராகி உள்ளது.
இந்நிலையில் மன அமைதிக்காகவும், திரைக்கு அப்பால் நிஜ வாழ்க்கையை வாழ்வதற்காகவும் தற்காலிகமாக சமூக வலைத்தளங்களில் இருந்து விலகுவதாக கயாடு அறிவித்துள்ளார்.
நாம் நம் உடலுக்குக் கொடுக்கும் ஓய்வு மனதிற்கும் தேவைப்படுகிறது என்று அவர் தனது Instagram பதிவில் குறிப்பிட்டுள்ளார். சமூக வலைத்தளங்களின் திரைக்குப் பின்னால் இருக்கும் நிஜ வாழ்க்கையுடன் அதிக நேரத்தைச் செலவிட விரும்புவதாகவும் தெரிவித்துள்ளார்.
பின்னணி: சமூக வலைத்தளங்களில் தன்னைப் பற்றிய அவதூறுகள் மற்றும் விமர்சனங்கள் அதிகமாகப் பரவி வந்த நிலையில், இந்த அதிரடி முடிவை அவர் எடுத்துள்ளார்.
சமூக வலைத்தளங்களில் இருந்து தற்காலிகமாக விலகினாலும், தான் நடித்து வரவிருக்கும் திரைப்படங்கள் குறித்த அதிகாரப்பூர்வ அறிவிப்புகள் மற்றும் தகவல்கள் அவரது குழுவினரால் பகிரப்படும் என்று உறுதியளித்துள்ளார்.
கயாடு லோஹரின் இந்த பதிவு சமூக ஊடகங்களில் வைரலாகி வரும் நிலையில், ரசிகர்கள் பலரும் அவர் விரைவில் மீண்டும் சமூக ஊடகங்களுக்கு திரும்ப வேண்டும் என்று வாழ்த்துகளை தெரிவித்து வருகின்றனர்.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK