அதிர்ச்சி…!!! ஒரு கோடி ரூபாய் கேட்டு முகமது ஷமிக்கு வந்த கொலை மிரட்டல்…!!!

2025 ஐபிஎல் தொடருக்கு முன்னதாக நடந்த சாம்பியன்ஸ் டிராபி தொடரில் முகமது ஷமி சிறப்பாக விளையாடினார்.அப்போது அவர் 5 போட்டிகளில் 9 விக்கெட்டுகளை வீழ்த்தியிருந்தார்.

வங்கதேச அணிக்கு எதிராக 5 விக்கெட்டுகளை வீழ்த்தியிருந்தார். இந்திய அணிக்காக சிறப்பாக செயல்பட்ட அவர் ஐபிஎல்லில் சுமாராக விளையாடி வருகிறார்.

இந்நிலையில் அவருக்கு மின்னஞ்சல் வழியாக கொலை மிரட்டல் வந்துள்ளது. ஒரு கோடி ரூபாய் கொடுக்க வேண்டும் இல்லை என்றால் உன்னை கொன்று விடுவேன் என்பது போல் அந்த மின்னஞ்சல் அனுப்பப்பட்டுள்ளது. இதனால் காவல் நிலையத்தில் இது தொடர்பாக புகார் அளிக்கப்பட்டது.

இந்திய தண்டனைச் சட்டம் (BNS), 2023 பிரிவு 308(4), தகவல் தொழில்நுட்ப (திருத்தம்) சட்டம், 2008 பிரிவு 66d மற்றும் தகவல் தொழில்நுட்ப (திருத்தம்) சட்டம், 2008 பிரிவு 66e ஆகிய பிரிவுகளின் கீழ் FIR பதிவு செய்யப்பட்டுள்ளது,

முகமது ஷமிக்கு அனுப்பப்பட்ட மிரட்டல் மின்னஞ்சல் போல், இந்திய அணியின் பயிற்சியாளர் கவுதம் கம்பீருக்கும் சில நாட்களுக்கு முன் மிரட்டல் மின்னஞ்சல் அனுப்பப்பட்டது. காஷ்மீர் தாக்குதல் விவகாரம் குறித்து அவர் கண்டனம் தெரிவித்து அறிக்கை வெளியிட்டிருந்தார்.இதையடுத்து அவருக்கு மிரட்டல் விடுக்கப்பட்டது குறிப்பிடத்தக்கது.