சிங்கப்பூரிலிருந்து டிஸ்னி கப்பல் புறப்படுவதில் தாமதம்..!!!

இந்த கப்பலில் சுமார் 6,700 பயணிகள் பயணம் செய்ய முடியும். மேலும் 2500 பணியாளர்கள் இந்த கப்பலில் இருப்பதாக கூறப்பட்டுள்ளது.

டிசம்பர் 15, 2025 அன்று இந்த கப்பலானது சிங்கப்பூரின் மெரினா பே குரூஸ் மையத்திலிருந்து தனது முதல் பயணத்தை தொடங்க உள்ளதாக அறிவிக்கப்பட்டிருந்த நிலையில் கட்டுமான பணிகளின் தாமதத்தால் பயண தேதியானது மார்ச் 10, 2026 என்ற புதிய தேதி அறிவிக்கப்பட்டது.

இதனால் டிசம்பர் 15, 2025 முதல் மார்ச் 12, 2026 வரை திட்டமிட்ட 25 கப்பல் பயணமானது பாதிக்கப்பட்டுள்ளது என்று டிஸ்னி குரூஸ் லைன் செய்தி தொடர்பாளர் தெரிவித்துள்ளார்.

முன்பதிவு செய்துள்ளவர்களின் கவனத்திற்கு:
முதல் பயணத்தில் பயணம் செய்ய முன்பதிவு செய்த பயணிகளுக்கு புதிய தேதியில் பயணம் செய்ய வாய்ப்பு வழங்கப்படும்.

மேலும் அவர்களுடைய முன்பதிவு கட்டணத்தில் 50 விழுக்காடு தள்ளுபடியும் வழங்கப்படும்.