சிங்கப்பூர் மக்களுக்கு மகிழ்ச்சியான செய்தி...!!!! முழு விவரங்கள் அறிய இந்த பதிவை முழுமையாகப் படிக்கவும்.

சிங்கப்பூர்: குடிவரவு பணியகத்தின் ஆன்லைன் முகவரி மாற்ற புதிய சேவை இந்த மாதம் ஆகஸ்ட் 15 ஆம் தேதி முதல் தொடங்கவுள்ளது.

குடிவரவு மற்றும் சோதனைச் சாவடிகள் ஆணையம்(ICA) இதன் ஆன்லைன் முகவரி மாற்ற சேவையில் ஒரு புதிய அம்சத்தை அறிமுகப்படுத்த உள்ளது. இதன் மூலமாக, தனிநபர்கள் ஒரே நேரத்தில் நான்கு பேர் வரை ஒரே முகவரிக்கு குடிபெயர்வதற்கான விண்ணப்பங்களை சமர்ப்பிக்க முடியும்.

சிங்கப்பூர் மக்கள், நிரந்தர குடியிருப்பாளர்கள் மற்றும் வெளிநாடுகளில் வசிப்பவர்கள் உட்பட நீண்ட கால paas வைத்திருப்பவர்களுக்கு ஆன்லைன் முகவரி மாற்ற சேவை(eCOA) திறந்திருக்கும் என்று ICA ஒரு அறிக்கையில் அறிவித்துள்ளது.

பயனர்கள் தங்களுடைய சிங்பாஸ் கணக்கு மூலமாக உள்நுழைந்து, ஆன்லைனில் தங்களின் முகவரி மாற்றத்தைச் சமர்ப்பிக்க சிங்பாஸ் முக சரிபார்ப்பை(SFV) பூர்த்தி செய்யலாம்.

புதிய செயல்முறையின் மூலம், முதன்மை விண்ணப்பதாரர் முதலில் சிங்பாசஸைப் பயன்படுத்தி முகவரி மாற்ற சேவையில் உள்நுழைந்து, பிறகு ஒரே விண்ணப்பத்தில் நான்கு இரண்டாம் நிலை விண்ணப்பதாரர்களைச் சேர்த்து, அவர்கள் அனைவருக்கும் ஒரே புதிய முகவரியை அறிவிக்க வேண்டும்.

இரண்டாம் நிலை விண்ணப்பதாரருக்கு ஒரு குறுஞ்செய்தி அறிவிப்பு வரும். மேலும், ஐந்து நாட்களுக்குள் சிங்பாஸ் வழியாக முகவரி மாற்ற சேவையில் உள்நுழைந்து முகவரி மாற்றத்தை உறுதிப்படுத்த வேண்டும்.

அதிகார சபை தெரிவித்தது:
புதிய அம்சம் தற்போதுள்ள
“நானும் என் குடும்ப உறுப்பினரும்” மற்றும் “மற்றவர்கள்” விருப்பங்களை விட மிகவும் பாதுகாப்பானதாக இருக்கும். இது அங்கீகரிக்கப்படாத முகவரி மாற்றங்களை தடுத்து, முதன்மை விண்ணப்பதாரர்கள் தங்களின் முகவரியையும் மாற்றி, இரண்டாம் நிலை விண்ணப்பதாரரின் வெளிப்படையான ஒப்புதலைப் பெறவில்லை என்றாலும், மற்றொரு நபரின் முகவரிய தனித்தனியாக மாற்ற முடியாது எனவும் தெரிவித்துள்ளது.