அமெரிக்காவை பின்னுக்கு தள்ளிய சீனா..!! சூப்பர் கம்ப்யூட்டரில் புதிய உலக சாதனை..!!
அதிவேக சூப்பர் கம்ப்யூட்டர்கள் பட்டியலில் அமெரிக்காவை பின்னுக்கு தள்ளி சீனாவின் “லைன்ஷைன்” என்ற கம்ப்யூட்டர் முதலிடத்தை பெற்றுள்ளது. அதிவேக சூப்பர் கம்ப்யூட்டர்கள் தரவரிசை பட்டியல் ஆண்டுக்கு 8 முறை மிகவும் துல்லியமாக வெளியிடப்பட்டு வருகிறது.
சூப்பர் கம்ப்யூட்டிங் துறையில் உலக புகழ் பெற்ற பேராசிரியர்கள் மற்றும் கணினி வல்லுநர்கள் அடங்கிய ‘டாப்500’ என்ற அமைப்பைச் சேர்ந்த குழு இந்த பட்டியலை வெளியிடுகிறது.
உலகின் பல நாடுகளில் உள்ள நிறுவனங்கள், தங்களின் சூப்பர் கம்ப்யூட்டர்களின் வேகத்தைச் சோதித்து இந்த அமைப்புக்கு தரவுகளை அனுப்புவார்கள். அதை ஆய்வு செய்து இந்த அமைப்பு பட்டியலை தயாரிக்கும்.
கடந்த 1993 ஆம் ஆண்டில் இருந்து ஒவ்வொரு ஆண்டும் ஜூன் மற்றும் நவம்பர் மாதங்களில் இந்த தரவரிசை பட்டியல் புதுப்பிக்கப்பட்டு அதிகாரப்பூர்வமாக வெளியிடப்பட்டு வருகிறது. உலக நாடுகளுக்கு இடையே சூப்பர் கம்ப்யூட்டர் தொழில்நுட்பத்தில் உள்ள போட்டி மற்றும் அசுர வளர்ச்சியைத் துல்லியமாக இந்த அமைப்பு 30 ஆண்டுகளுக்கும் மேலாக ஆவணப்படுத்தி வருகிறது.
அதன்படி நடப்பாண்டில் ஜூன் மாதத்துக்கான அதிவேக சூப்பர் கம்ப்யூட்டர்கள் தரவரிசை பட்டியலை ஜெர்மனியில் நடைபெற்ற சர்வதேச சூப்பர் கம்ப்யூட்டிங் மாநாட்டில் வெளியிட்டு இருக்கின்றனர்.
இதில் சீனாவின் ஷென்சென் நகரில் உள்ள தேசிய சூப்பர் கம்ப்யூட்டிங் மையத்தில் நிறுவப்பட்டிருக்கும் “லைன்ஷைன்” என்ற கம்ப்யூட்டர் முதலிடத்தை பெற்றிருக்கிறது. இது வினாடிக்கு 2 குவின்டில்லியனுக்கு அதிகமான வேகத்தில் கணக்கீடுகள் செய்துள்ளது.
இதுவரை உலகின் அதிவேக கம்ப்யூட்டராக முதலிடத்தில் இருந்த அமெரிக்காவின் ‘எல் கேபிடன்’ என்ற கம்ப்யூட்டரை விட இது 20% கூடுதல் வேகம் கொண்டது.
அது இப்போது இரண்டாவது இடத்துக்கு தள்ளப்பட்டிருக்கிறது. இதன் மூலம் 2017 ஆம் ஆண்டுக்கு பிறகு சீனா இந்த பட்டியலில் மீண்டும் முதலிடம் பெற்றிருக்கிறது என்பது குறிப்பிடத்தக்கது. அமெரிக்கா விதித்த கடுமையான தொழில்நுட்பத் தடைகளை மீறி சீனா இந்த சாதனையை செய்துள்ளது தான் உலக அரங்கில் வியப்பாக தற்போது பார்க்கப்படுகிறது.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK