கிளமென்டி அவென்யூ 3-ல் பரபரப்பு.!! கத்திக்குத்து சம்பவத்தில் ஒருவர் காயம்..!!
சிங்கப்பூர்: கிளமென்டி அவென்யூ 3-ல் இன்று நண்பகல் பரபரப்பை ஏற்படுத்தும் வகையில் கத்தி சம்பவம் ஒன்று நிகழ்ந்தது. பிளாக் 441B-ல் மதியம் சுமார் 12.20 மணியளவில் நடந்த இந்தச் சம்பவத்தில் 34 வயது ஆண் ஒருவர் காயமடைந்தார்.
சம்பவம் குறித்து தகவல் கிடைத்ததும் காவல்துறையினர் அங்கு விரைந்து சென்றனர். அவர்கள் வந்தபோது, அந்த 34 வயது நபர் சுயமாக ஏற்படுத்திக்கொண்டதாக நம்பப்படும் காயங்களுடன் மயக்கமின்றி இருந்ததாக காவல்துறை தெரிவித்துள்ளது. அவர் பின்னர் சிகிச்சைக்காக மருத்துவமனைக்கு அழைத்துச் செல்லப்பட்டார்.
சம்பவத்தின் போது கத்தி வைத்திருந்த அந்த நபரை 56 வயது பொதுமக்கள் உறுப்பினர் ஒருவர் தடுத்து, அவரிடமிருந்த கத்தியைப் பறித்து நிலைமையை கட்டுப்படுத்தியுள்ளார். அவருக்கு எந்தக் காயமும் ஏற்படவில்லை. இருப்பினும் முன்னெச்சரிக்கை நடவடிக்கையாக அவரும் மருத்துவமனைக்கு அழைத்துச் செல்லப்பட்டார்.
சிங்கப்பூர் சிவில் பாதுகாப்புப் படை (SCDF) இருவரையும் வெவ்வேறு மருத்துவமனைகளுக்கு அழைத்துச் சென்றதாக தெரிவித்துள்ளது. 34 வயது நபர் National University Hospital-க்கும், 56 வயது நபர் Ng Teng Fong General Hospital-க்கும் கொண்டு செல்லப்பட்டதாக கூறப்பட்டுள்ளது.
சம்பவம் தொடர்பான விசாரணை தற்போது நடைபெற்று வருகிறது. சம்பவத்திற்கான முழுமையான காரணம் மற்றும் பின்னணி குறித்து அதிகாரிகள் தொடர்ந்து விசாரித்து வருகின்றனர்.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK