செங்காங்கில் பாதசாரி மீது கார் மோதிய விபத்து..!!!
சிங்கப்பூர்:செங்காங்கில் நடைபயிற்சி மேற்கொண்டிருந்த ஒரு பாதசாரி மீது கார் மோதியது.
இந்த விபத்து தொடர்பான காட்சிகள் சமூக ஊடகங்களில் பரவி வருகின்றது.
கடந்த சனிக்கிழமை(17.01.26) மாலை பவுல்வர்டு டிரைவ் மற்றும் செங்காங் மத்திய சாலை சந்திப்பில் இந்த விபத்து நடந்ததாக டேஷ்கேம் காட்சிகள் காட்டுகின்றன.
இடதுபுறத்தில் இருந்து ஒரு சிவப்பு கார் வந்தபோது,சிவப்பு விளக்கை மீறி சாலையின் குறுக்கே ஒரு நபர் ஜாகிங் செய்வதை இந்த காட்சிகள் காட்டுகின்றன.
இதனால் பீதியடைந்த அந்த நபர், மோதலைத் தவிர்க்க முடியாமல் சந்திப்பின் நடுவில் வீசப்பட்டார். அதிர்ஷ்டவசமாக அவர் உடனடியாக எழுந்து, தனது இடது காலைத் தொட்டவாறு சாலையின் ஓரத்திற்கு நடந்தார்.
அன்று மாலை சுமார் 6:35 மணியளவில் விபத்து குறித்த தகவல் தங்களுக்குக் கிடைத்ததாகவும், பின்னர் SCDF பணியாளர்கள் அந்த நபரை சிகிச்சைக்காக செங்காங் மருத்துவமனைக்கு கொண்டு சென்றதாகவும் சிங்கப்பூர் குடிமைத் தற்காப்புப் படை (SCDF) தெரிவித்துள்ளது.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK