200 ஆண்டுகள் பாரம்பரியம்…!!சிங்கப்பூர் கொண்டாடிய சிறப்பு விழா..!!

சிங்கப்பூர்: சிங்கப்பூரின் பழமையான கடல் விளையாட்டு மரபை தாங்கி நிற்கும் சிங்கப்பூர்க் குடியரசு சொகுசுப் படகு மன்றம் தனது 200 ஆண்டு பாரம்பரியத்தை மிகுந்த கோலாகலத்துடன் கொண்டாடியது. இருநூற்றாண்டு விழாவை முன்னிட்டு நடைபெற்ற சிறப்பு தொண்டு நிதி இரவு விருந்து, உறுப்பினர்கள் மற்றும் சிறப்பு விருந்தினர்களின் பங்கேற்புடன் சிறப்பாக அமைந்தது. கடல் மரபையும் சமூகப் பொறுப்பையும் இணைக்கும் வகையில் இந்த விழா நடைபெற்றது குறிப்பிடத்தக்கது.

இந்த இருநூற்றாண்டு கொண்டாட்ட விருந்து, சிங்கப்பூரில் உள்ள கிளப்பின் நவீன வசதிகளுடன் கூடிய Nautica Ballroom மண்டபத்தில் நடைபெற்றது. நிகழ்ச்சியில் சிங்கப்பூர் குடியரசுத் தலைவர் திரு.தர்மன் சண்முகரத்தினம் சிறப்பு விருந்தினராக கலந்துகொண்டார். 130-க்கும் மேற்பட்ட அழைப்பாளர்கள் பங்கேற்று, வரலாற்றுச் சிறப்புமிக்க தருணத்தை நேரில் கண்டு களித்தனர்.