சிங்கப்பூரில் பாம்பெர்ரி சாக்லேட் பழங்களில் உலோகக் கலப்பு சந்தேகம்..!! 4 வகைகளைத் திரும்பப் பெற உத்தரவு!

இந்த நான்கு தயாரிப்புகளும் ஆஸ்திரேலியாவில் தயாரிக்கப்பட்டவை. ஒவ்வொன்றும் 150 கிராம் எடையுள்ள பொட்டலங்களில் விற்பனை செய்யப்பட்டுள்ளன. மேலும், ஜனவரி 20, 2028 அன்று காலாவதியாகும் தேதியைக் கொண்ட அனைத்து மேற்கண்ட தயாரிப்புகளும் இந்தத் திரும்பப் பெறுதல் நடவடிக்கையில் அடங்கும் எனத் தெரிவிக்கப்பட்டுள்ளது.
இதற்கிடையே, பாதிக்கப்பட்ட பொருட்களை ஏற்கனவே வாங்கியுள்ள நுகர்வோர் அவற்றை உட்கொள்ள வேண்டாம் என அதிகாரிகள் அறிவுறுத்தியுள்ளனர். இந்தப் பொருட்களை உட்கொண்டவர்கள் தங்களது உடல்நலம் குறித்து ஏதேனும் கவலை கொண்டிருந்தால், உடனடியாக மருத்துவ உதவியை நாடுமாறும் கேட்டுக்கொள்ளப்பட்டுள்ளனர்.

மேலும், பாதிக்கப்பட்ட பொருட்கள் தொடர்பாக பொதுமக்களுக்கு ஏதேனும் கேள்விகள் இருந்தால், அவற்றை வாங்கிய வணிகர்களைத் தொடர்புகொள்ளலாம் என அறிவுறுத்தப்பட்டுள்ளது. சாத்தியமான உணவுப் பாதுகாப்பு அபாயத்தைத் தவிர்க்கும் வகையில், இந்தத் திரும்பப் பெறுதல் நடவடிக்கை முன்னெச்சரிக்கையாக மேற்கொள்ளப்பட்டு வருகிறது.