இளைஞர்களிடம் முதியோர்களைப் பராமரிக்கும் நற்சிந்தனையை ஏற்படுத்துவதற்கான ஒரு முயற்சி!!

முதியோர் நலனில் அக்கறை கொண்ட சன்லவ் ஹோம், இளைஞர்களையும் தனது பணிகளில் ஈடுபடுத்தி, அவர்களின் நலனில் அக்கறை செலுத்துகிறது.

இளைஞர்களின் தேவைகளைப் புரிந்துகொள்வதற்கும், முதியோர் பராமரிப்பில் அவர்கள் எவ்வாறு அதிகமாக ஈடுபடலாம் என்பதைப் புரிந்துகொள்வதற்கும் இந்த இல்லம் சமீபத்தில் ஒரு கருப்பொருள் கலந்துரையாடலை நடத்தியது.

அங் மோ கியோவிலுள்ள சன் லைப் துடிப்புமிக்க மூப்படைதல் நிலையத்தில் மே 10 ஆம் தேதி நடைபெற்ற உரையாடலில் கிட்டத்தட்ட 14 இளைஞர்கள் கலந்து கொண்டனர்.

அவர்களில் பலர் ரிபப்ளிக் பாலிடெக்னிக்கைச் சேர்ந்தவர்கள்.

இதில் இளைஞர்களின் மன ஆரோக்கியம் மற்றும் தனிமை போன்ற பிரச்சினைகள் குறித்த விவாதம் நடைபெற்றது.