சிங்கப்பூரில் நடந்த அதிர்ச்சியூட்டும் தகவல்..!!!

NTUC FairPrice மற்றும் மின் வணிக தளமான Zalora வின் பயனர் கணக்குகளை தவறாக பயன்படுத்தியதற்காக குற்றம் சாட்டப்பட்ட சிங்கப்பூரர் ஒருவர் ஜாமினில் தாய்லாந்துக்கு தப்பிச் சென்றார்.

அவர் நேற்று (25ஆம் தேதி) தாய்லாந்தில் இருந்து சிங்கப்பூருக்கு நாடு கடத்தப்பட்டார். தரையிறங்கியதும் உடனடியாக போலீஸாரால் கைது செய்யப்பட்டார்.

கைதான நபர் 34 வயதான ஓங் சியான் ஜென். சிங்கப்பூர் காவல் படை நேற்று (25) வெளியிட்ட அறிக்கையின் படி, ஜூலை மற்றும் நவம்பர் 2022க்கு இடையில் காவல் துறைக்கு பல புகார்கள் வந்தன.

அதில் பாதிக்கப்பட்டவர்கள் தங்கள் NTUC FairPrice மற்றும் Zalora பயனர் கணக்குகள் திருடப்பட்டதாக கூறினர். ஹேக் செய்யப்பட்ட கணக்குகள் மொத்தம் $25,000 மதிப்புள்ள பொருட்களை வாங்க பயன்படுத்தப்பட்டதாக தெரியவந்துள்ளது.

இந்த வழக்கில் தொடர்புடைய நபர் இந்த குற்றத்தை செய்ய ஆறு பேரை வேலைக்கு வைத்திருந்ததாகவும் குற்றம் சாட்டப்பட்டுள்ளார்.

அந்த நபர் மீது மற்றொரு மோசடி குற்றச்சாட்டிற்காக அக்டோபர் 8, 2021 அன்று நீதிமன்றத்தில் குற்றம் சாட்டப்பட்டது. ஆனால் அவர் ஜாமீனில் தப்பித்துள்ளார். மேலும் தேசிய நீதிமன்றம் செப்டம்பர் 8, 2022 அன்று அவருக்கு கைது வாரண்ட் பிறப்பித்தது.

காவல்துறையினர் அந்த நபரை கண்டுபிடிக்க முயன்றனர் மற்றும் வெளிநாட்டு சட்ட அமலாக்க நிறுவனங்களுடன் உதவி கோரி அக்டோபர் 2022ல் தப்பியோடியவர் தாய் சட்ட அமலாக்க நிறுவனங்களால் கைது செய்யப்பட்டு குடியேற்றம் மற்றும் போதைப்பொருள் தொடர்பான குற்றங்களுக்காக தாய்லாந்தில் இவருக்கு சிறை தண்டனை விதிக்கப்பட்டது.

இந்த ஆண்டு (2025) ஜூலை 30ஆம் தேதி அவர் சிறையிலிருந்து விடுவிக்கப்பட்டார். பின்னர் தாய்லாந்து சட்ட அமலாக்க முகமைகள் அவரை குடியேற்ற தடுப்பு மையத்தில் தடுத்து நிறுத்தி நேற்று(25 ஆம் தேதி) சிங்கப்பூருக்கு அனுப்பப்பட்டார்.

ராயல் தாய் காவல் துறையும் சிங்கப்பூர் காவல் துறையும் நெருக்கமாக இணைந்து இந்த குற்றவாளியை கைது செய்ய இணைந்த செயல்பட்டனர். மேலும் அந்த நபர் சிங்கப்பூருக்கு வந்தவுடன் எங்கள் காவல்துறை உடனடியாக கைது செய்தது என அறிவித்துள்ளது.

கணினி துஷ்பிரயோகச் சட்டத்தின் பிரிவு 3(1) ன் கீழ் அந்த நபர் மீது இன்று 26 ஆம் தேதியின் நீதிமன்றத்தில் குற்றம் சாட்டப்படும்.

குற்றம் நிரூபிக்கப்பட்டால் அவருக்கு இரண்டு ஆண்டுகள் வரை சிறையில் தண்டனை $5,000 வரை அபராதம் அல்லது இரண்டும் விதிக்கப்படலாம்.

இன்று (ஆகஸ்ட் 26 ஆம் தேதி) மீண்டும் நீதிமன்றத்தில் குற்றம் சாட்டப்பட்ட நபர் ஆஜர்படுத்தப்படுவார்.

சைபர் கிரைம் கட்டளை மையத்தின் தளபதி ஜெங் கெஹூய் ஒரு அறிக்கையில் ராயல் தாய் காவல் துறைக்கு தகுந்த நன்றியை தெரிவித்துக் கொண்டார்.

குற்றவாளிகள் வெளிநாடுகளுக்கு தப்பிச் சென்றாலும் அவர்கள் இருக்கும் இடத்தை கண்டுபிடித்து சட்டபூர்வ தடைகளை எதிர்கொள்ள அவர்களை மீண்டும் நாட்டிற்கு கொண்டு வர அதிகாரிகள் அனைத்து முயற்சிகளையும் எடுப்பார்கள் எனவும் வலியுறுத்தியுள்ளார்.

Follow us on : click here

WHATSAPP CHANNEL LINK