இனி வாகனத்தில் இருந்தபடியே ERP கட்டணம் செலுத்தலாம்..!! எப்படி..??
சிங்கப்பூர்:சிங்கப்பூரில் வாகனங்களில் பொருத்தப்பட்டுள்ள புதிய On-Board Unit (OBU) சாதனத்தின் மூலம், தவறவிட்ட ERP (Electronic Road Pricing) கட்டணங்களில் சுமார் 19,800 தொகைகள் தானாகத் தீர்வு செய்யப்பட்டுள்ளதாக நிலப் போக்குவரத்து ஆணையம் (LTA) தெரிவித்துள்ளது.
செப்டம்பர் மாதம் அறிமுகப்படுத்தப்பட்ட இந்த புதிய வசதி மூலம், மொத்தம் 40,200 தவறவிட்ட ERP கட்டணங்களில் அரைபகுதி தொகைகள் நேரடியாக OBU வழியாகச் செலுத்தப்பட்டதாக ஆணையம் (19.10.25) தெரிவித்தது. இதனால், முன்பைவிட வாகன ஓட்டிகள் தங்களது கட்டணங்களைச் சரியான நேரத்தில் செலுத்தும் வீதம் குறிப்பிடத்தக்க அளவில் உயர்ந்துள்ளது.
முந்தைய கணக்கெடுப்பில்,60% பேர் மட்டுமே 5 நாள் கிரேஸ் காலத்திற்குள் கட்டணம் செலுத்தியிருந்தனர். ஆனால், புதிய OBU அமைப்பு அறிமுகமான பின், அதே காலத்திற்குள் கட்டணம் செலுத்தியோர் 80%ஆக உயர்ந்துள்ளனர்.
2023 நவம்பர் மாதம் முதல் வாகனங்களில் பொருத்தப்பட்டு வரும் OBU சாதனங்களில், இப்போது ERP கட்டணங்களைச் செலுத்துவதுடன், தவறவிட்ட கட்டணங்களையும் நேரடியாகச் செலுத்தும் வசதி சேர்க்கப்பட்டுள்ளது.இதனால், இனி LTA இணையதளம் அல்லது பிற முறைமைகளில் தனியாக உள்நுழையாமல், வாகனத்திலிருந்தே நேரடியாகக் கட்டணம் செலுத்த இயலும்.
இந்த புதிய வசதி குறித்து LTA தெரிவித்ததாவது,
“OBU வழியாக ERP கட்டணங்களை நேரடியாகத் தீர்வு செய்யும் வசதி, வாகன ஓட்டிகளுக்கு எளிமை, துல்லியம் மற்றும் விரைவான கட்டண செயல்முறையை வழங்குகிறது. இதனால் கண்காணிப்பு மற்றும் அபராதச் சுமை குறையும்,” என கூறியுள்ளது.
இந்த புதிய நடைமுறை சிங்கப்பூரின் போக்குவரத்து தொழில்நுட்ப முன்னேற்றத்தில் ஒரு முக்கியமான முன்னேற்றமாகும். இதன் மூலம் அரசு, வாகன ஓட்டிகள் மற்றும் நிர்வாக அமைப்புகள் அனைத்தும் ஒரே மையத்தில் ERP தொடர்பான பணிகளைச் செய்யக்கூடிய சூழல் உருவாகியுள்ளது.
எனினும், தற்போது OBU பொருத்தாத வாகனங்கள் பழைய முறையிலேயே ERP கட்டணங்களைச் செலுத்த வேண்டியிருப்பதால், புதிய முறை முழுமையாக நடைமுறைக்கு வர இன்னும் சில மாதங்கள் ஆகும் எனவும் எதிர்பார்க்கப்படுகிறது.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK