பரபரப்பு..!! தெம்பனிஸ் விரைவுச்சாலையில் விபத்து..!!
சிங்கப்பூர்:தெம்பனிஸ் விரைவுச்சாலையில் ஒரு டாக்ஸி பாதையை மாற்றிக் கொண்டிருந்தபோது, அதன் பின்னால் வந்த ஒரு மோட்டார் சைக்கிள் அதைத் தவிர்க்க முடியாமல் கவிழ்ந்து விபத்துக்குள்ளானது.
இந்த விபத்தில் 30 வயதுடைய ஆண் மோட்டார் சைக்கிள் ஓட்டுநர் சுயநினைவுடன் மருத்துவமனைக்குக் கொண்டு செல்லப்பட்டார்.
SGRV பேஸ்புக்கில் வெளியிட்ட காணொளியின்படி,ஒரு டாக்ஸி திடீரென பாதையை மாற்றியதால்,ஒரு மோட்டார் சைக்கிள் வளைந்து கீழே விழுந்தது.
சாலையின் மேற்பரப்பு வழுக்கும் தன்மை காரணமாக போதுமான பிரேக்கிங் தூரம் இல்லாததால் மோட்டார் சைக்கிள் சமநிலையை இழந்து கீழே விழுந்திருக்கலாம் என்று அந்தப் பதிவு தெரிவிக்கிறது.
இந்த விபத்தானது சாங்கி விமான நிலையத்தை நோக்கிச் செல்லும் தெம்பனிஸ் விரைவுச் சாலையில் ஒரு டாக்ஸிக்கும் மோட்டார் சைக்கிளுக்கும் இடையே ஏற்பட்டது.
இந்த போக்குவரத்து விபத்து குறித்து நேற்று (07.01.26)காலை 7:45 மணியளவில் தங்களுக்கு ஒரு தகவல் கிடைத்ததாக காவல்துறையினர் தெரிவித்தனர்.
61 வயதான அந்த டாக்ஸி ஓட்டுநர், போலீசாரின் விசாரணையில் உதவி வருகிறார்.
இச்சம்பவம் குறித்து விசாரணை தொடர்ந்து நடைபெற்று வருகிறது.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK