இனி டயட், ஜிம் எல்லாம் வேண்டாம்..!! வந்தாச்சு புதிய தீர்வு..!!
சிங்கப்பூர்:நான்யாங் தொழில்நுட்ப பல்கலைக்கழகம் (NTU) மற்றும் ஆரியா பயோசயின்ஸ் இணைந்து,குடலில் கொழுப்பு உறிஞ்சுதலைக் குறைக்க உதவும் வகையில் புதிய வாய்வழி சேர்மத்தை உருவாக்கியுள்ளனர். இது உடல் எடையை பாதுகாப்பாக நிர்வகிக்க உதவும் புதிய முயற்சியாக பார்க்கப்படுகிறது.
பாரம்பரிய எடை இழப்பு மருந்துகள் போல பசியை அடக்குவது அல்லது வளர்சிதை மாற்றத்தை அதிகரிப்பது போன்ற முறையில் அல்லாமல், இந்த புதிய கலவை நேரடியாக குடல் மட்டத்தில் செயல்படுகிறது. இதன் மூலம் உணவில் உள்ள கொழுப்பு உடலில் உறிஞ்சப்படுவது குறைக்கப்படுகிறது.
குடலிலிருந்து கல்லீரலுக்கு செல்லும் கொழுப்பின் அளவை குறைப்பதன் மூலம், கொழுப்பு கல்லீரல் ஏற்படும் அபாயத்தையும் இந்த சேர்மம் தணிக்கிறது என ஆராய்ச்சியாளர்கள் தெரிவித்துள்ளனர்.
இந்த ஆய்வை NTU லீ காங் சியான் மருத்துவப் பள்ளியின் இணை பேராசிரியர் ஆண்ட்ரூ டான் மற்றும் பேராசிரியர் டான் சூன் ஹாங் ஆகியோர் இணைந்து வழிநடத்தினர்.
விலங்கு ஆய்வுகளில்,இந்த சேர்மம் குளுக்கோஸ் உறிஞ்சுதலை பாதிக்காமல் குடல் கொழுப்பு உறிஞ்சுதலைக் குறைத்தது உறுதி செய்யப்பட்டது. அதிக கொழுப்பு உணவு அளிக்கப்பட்டபோதும் எடை அதிகரிப்பு குறைந்ததாக கண்டறியப்பட்டது.
மேலும், கல்லீரல் கொழுப்பு குவிப்பு குறிப்பிடத்தக்க அளவில் குறைந்ததுடன், எந்த தீங்கான பக்க விளைவுகளும் காணப்படவில்லை. இந்த கண்டுபிடிப்பு, எதிர்காலத்தில் மனிதர்களுக்கான பாதுகாப்பான எடை மேலாண்மை தீர்வாக அமையக்கூடும் என நிபுணர்கள் நம்பிக்கை தெரிவித்துள்ளனர்.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK