ஜூரோங் குடியிருப்பில் நடந்த விசித்திர விபத்து..!!! இரண்டு மணி நேரம் போராடிய மீட்புக் குழு..!!
சிங்கப்பூர்:ஜூரோங் பகுதியில் ஒரு நபரின் இடது கை சமையலறை கழிவுநீர் வடிகால் குழாயில் சிக்கியதால் பெரும் பரபரப்பு ஏற்பட்டது.
சிங்கப்பூர் குடிமைத் தற்காப்புப் படையினர் (SCDF) அந்த நபரை மீட்பதற்கு அலமாரிகளை அகற்ற சுமார் இரண்டு மணி நேரம் போராடினர்.
இந்த சம்பவம் நேற்று (27.11.25) பிற்பகல் 1:35 மணியளவில் தாஹ் சிங் சாலையில் உள்ள பிளாக் 338A இல் நடந்தது.
சம்பவ இடத்துக்கு தீயணைப்பு வீரர்களும் பேரிடர் நிவாரணக் குழுக்களும் விரைந்து சென்றனர்.
அங்கு சென்றபோது, ஒரு நபரின் இடது கை சமையலறை தொட்டியின் வடிகால் குழாயில் சிக்கியிருப்பதை அவர்கள் கண்டனர்.
மீட்புக் குழுவினர் அலமாரிகளை அகற்றி, வடிகால் குழாயின் ஒரு பகுதியை வெட்டி கையை வெளியே எடுக்க முயன்றனர்.
மேலும், கையை விடுவிக்க மசகு எண்ணெய் பயன்படுத்தப்பட்டது.
இறுதியாக, சுமார் இரண்டு மணி நேரம் நீண்ட முயற்சிக்குப் பிறகு அந்த நபர் வெற்றிகரமாக மீட்கப்பட்டார்.
மீட்பு நடவடிக்கையின் போது அவர் சுயநினைவுடன் இருந்ததாகவும், பின்னர் மேலதிக சிகிச்சைக்காக சிங்கப்பூர் தேசிய பல்கலைக்கழக மருத்துவமனைக்கு அழைத்து செல்லப்பட்டதாகவும் SCDF தெரிவித்துள்ளது.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK