இனி இ-சிகரெட் பயன்படுத்தினாலே கைது..? கடுமையாக்கப்படும் சட்ட நடவடிக்கை..!!

சிங்கப்பூர்:சிங்கப்பூரில் இ-சிகரெட்டுகள் மீது நடவடிக்கைகள் தீவிரப்படுத்தப்பட்ட நான்கு மாதங்களுக்குள், சிங்கப்பூரில் 3,000க்கும் மேற்பட்டோர் கைது செய்யப்பட்டுள்ளனர். கடந்த ஆண்டு செப்டம்பர் முதல் டிசம்பர் இறுதி வரை, இ-சிகரெட்டுகளை வைத்திருந்தது மற்றும் பயன்படுத்தியதற்காக மொத்தம் 3,534 பேருக்கு அபராதம் விதிக்கப்பட்டதாக சுகாதார அமைச்சகமும் சுகாதார அறிவியல் ஆணையமும் தெரிவித்துள்ளன.

இதில் 366 பேர் எட்டோமிடேட் கொண்ட இ-சிகரெட்டுகளை பயன்படுத்தியவர்கள் என கண்டறியப்பட்டுள்ளனர். இவர்களில் 268 பேர் புகைபிடிப்பு நிறுத்தும் திட்டங்களில் சேர்க்கப்பட்டுள்ளனர். அதில் 211 பேர் எட்டோமிடேட் சிகரெட் வைத்திருந்தவர்கள், 57 பேர் மீண்டும் மீண்டும் குற்றம் செய்தவர்கள் என அதிகாரிகள் தெரிவித்தனர்.