தெம்பனிஸ் HDBயில் நடக்கும் தொடர் சம்பவங்களால் அதிர்ச்சி..!!
சிங்கப்பூர்: தெம்பனிஸ் பகுதியில் உள்ள சில HDB உயர்கட்டிடங்களில் இருந்து பொருட்கள் வீசப்படும் சம்பவங்கள் தொடர்ந்து நடந்து வருவதால் குடியிருப்பாளர்கள் அதிர்ச்சியடைந்துள்ளனர்.
போர்வைகள், இரத்தக் கறை படிந்த சானிட்டரி நாப்கின்கள், கண்ணாடி பாட்டில்கள், அழுக்கு டயப்பர்கள் உள்ளிட்ட பொருட்கள் அடிக்கடி ஜன்னல்களில் இருந்து கீழே வீசப்படுகின்றன.
இதனால் தரையில் கண்ணாடி துண்டுகள் சிதறி கிடப்பதுடன் பசுமை நிலங்கள் குப்பைகளால் நிரம்பி காணப்படுகின்றன.
குடியிருப்பாளர்கள் கூறுவதற்கேற்ப, இந்த நிலைமை கடந்த மூன்று ஆண்டுகளாக நீடித்து வருவதாகவும், சமீபத்தில் தீவிரமடைந்துள்ளதாகவும் தெரியவந்துள்ளது.
ஒவ்வொரு இரண்டு மாதங்களுக்கும் குப்பை மழை
தெம்பனிஸ் 499C தொகுதியில் வாழும் குடியிருப்பாளர்கள் இரண்டு மாதங்களுக்கு ஒரு முறை குப்பை வீசப்படுவதாகவும் சில நேரங்களில் கண்ணாடி பாட்டில்கள் கூட வீசப்படுவதாகவும் கூறியுள்ளனர்.
குடியிருப்பாளர்கள் கண் முன்னே நடந்த சம்பவம்
70 வயது ஒரு பெண் கூறுகையில், “நேற்று ஒரு பெரிய வாளியை யாரோ ஜன்னலிலிருந்து எறிந்ததை என் கண்களால் பார்த்தேன். அது தரையில் விழும்போது ஒரு பெரிய சத்தம் கேட்டது. பின்னர் ஒருவர் போர்வையையும் எறிந்தார்” என்றார்.
அதிகாரிகள் எச்சரிக்கை
தெம்பனிஸ் நகர சபை மற்றும் தேசிய சுற்றுச்சூழல் நிறுவனம் (NEA) இணைந்து, கட்டிடங்களின் வெளியே எச்சரிக்கை அறிவிப்புகளை ஒட்டியுள்ளன.
NEA சிறப்பு கேமராக்களை பயன்படுத்தி கண்காணிப்பை வலுப்படுத்தியுள்ளதாகவும், இதுவரை 10 வழக்குகள் பதிவு செய்யப்பட்டுள்ளதாகவும் தெரிவித்துள்ளது.
கூடுதல் CCTV கேமராக்கள்
சம்பவம் தொடர்வதைத் தடுக்க, சம்பந்தப்பட்ட தொகுதிகளுக்கு எதிரே புதிய CCTV கேமராக்கள் நிறுவப்பட்டுள்ளன.
கடுமையான அபராதங்கள்
உயரமான கட்டிடங்களில் இருந்து பொருட்களை வீசுபவர்களுக்கு கடுமையான தண்டனைகள் விதிக்கப்படும். முதல் குற்றத்திற்கு S$2,000 வரை அபராதம், இரண்டாவது குற்றத்திற்கு S$4,000 வரை அபராதம்,மூன்றாவது மற்றும் அதற்கு மேற்பட்ட குற்றங்களை செய்தால் S$10,000 வரை அபராதம் + சுத்தம் செய்யும் பணியை எதிர்கொள்ள நேரிடும்.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK