சிங்கப்பூரில் வீட்டு கடன் வாங்கியவர்களுக்கு ஓர் மகிழ்ச்சி செய்தி..!!!
சிங்கப்பூர்: சிங்கப்பூரில் வீட்டு அடமான வட்டி விகிதங்கள் கடந்த மூன்று ஆண்டுகளில் இல்லாத அளவுக்கு குறைந்துள்ளன. இந்த ஆண்டு தொடக்கத்தில் சுமார் 3.1% இருந்த நிலையான வட்டி விகிதக் கடன்கள் தற்போது 1.4% முதல் 1.8% வரை சரிந்துள்ளதாக நிதி ஆய்வாளர்கள் தெரிவித்துள்ளனர்.
அமெரிக்க பெடரல் ரிசர்வ் வங்கியின் தொடர்ச்சியான வட்டி விகிதக் குறைப்புகள், சிங்கப்பூர் வங்கிகளின் அடமான விகிதங்களில் நேரடி தாக்கத்தை ஏற்படுத்தியுள்ளன. குறிப்பாக SORA விகிதம் 3% இலிருந்து 1.2% ஆகக் குறைந்தது, கடன் சுமையை பெரிதும் தளர்த்தியுள்ளது.
இதன் விளைவாக, பல HDB வீட்டு உரிமையாளர்கள் தங்கள் கடன்களை மறுநிதியளிக்க அல்லது வங்கிக் கடன்களுக்கு மாறி, மாதந்தோறும் நூற்றுக்கணக்கான டாலர்களைச் சேமித்து வருகின்றனர்.
அடுத்த ஆண்டிலும் வட்டி விகிதங்கள் அதிகமாக உயரும் வாய்ப்பு இல்லை என ஆய்வாளர்கள் கூறினாலும், திடீர் சரிவு ஏற்படும் சாத்தியம் குறைவு என்றும் அவர்கள் எச்சரிக்கின்றனர். நிலையானதா அல்லது மிதக்கும் வட்டியா என்பதைத் தேர்வுசெய்யும்போது, தனிநபர் நிதி நிலை மற்றும் ஆபத்து சகிப்புத்தன்மையை கருத்தில் கொள்ள வேண்டும் என்றும் அறிவுறுத்தப்படுகிறது.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK