நீர் பாதுகாப்பை வலுப்படுத்த சிங்கப்பூர் எடுக்கும் முக்கிய நடவடிக்கை..!!
சிங்கப்பூர்: ஜுரோங் தீவில் ஆறாவது கடல் நீர் உப்புநீக்கும் ஆலையை அமைப்பதற்கான சாத்தியக்கூறுகள் குறித்து பொதுப் பயன்பாட்டு வாரியம் ஆய்வு மேற்கொள்ள உள்ளது.இதற்கான சாத்தியக்கூறு ஆய்வு டெண்டர் செயல்முறை இன்று (26.12.25) அதிகாரப்பூர்வமாக தொடங்கியுள்ளது.
இந்த ஆய்வின் ஒரு பகுதியாக, புதிய உப்புநீக்கும் ஆலையின் பல்வேறு வடிவமைப்பு விருப்பங்கள் உருவாக்கப்படவுள்ளன.
அதோடு, தொழில்நுட்ப சாத்தியக்கூறுகள் மற்றும் முன்மொழியப்படும் வடிவமைப்பின் பொருளாதார நம்பகத்தன்மை ஆகியவையும் விரிவாக மதிப்பீடு செய்யப்படும். இந்த முழு ஆய்வு பணிகள் நிறைவடைய சுமார் பத்து மாதங்கள் ஆகும் என பொதுப் பயன்பாட்டு வாரியம் தெரிவித்துள்ளது.
மேலும்,மெரினா கிழக்கு உப்புநீக்கும் ஆலையைப் போல, கடல் நீரும் நன்னீரும் ஒரே நேரத்தில் சுத்திகரிக்கக்கூடிய இரட்டை முறை உப்புநீக்கும் ஆலையை அமைப்பதற்கான சாத்தியக்கூறுகளும் ஆய்வு செய்யப்படவுள்ளன.
இத்தகைய வசதிகள், காலநிலை மாற்றங்களால் ஏற்படும் பாதிப்புகளை எதிர்கொள்ளும் வகையில், சிங்கப்பூரின் நீர் விநியோக அமைப்பின் மீள்தன்மையை வலுப்படுத்த உதவும் என தெரிவிக்கப்பட்டுள்ளது.
புதிய ஆலையின் நில பயன்பாட்டை திறம்பட மேம்படுத்துவதோடு, கார்பன் தடயத்தைக் குறைக்கும் நோக்கிலும் புதுமையான மற்றும் பல்நோக்கு வடிவமைப்புகளை அதிகாரிகள் ஆராய உள்ளனர். இதன் ஒரு பகுதியாக, உயரமான தளங்களைக் கொண்ட பல மாடி கட்டிடங்களை இணைப்பது, நீர் சுத்திகரிப்பு வசதிகளுக்காக ஆழமான நிலத்தடி மட்டங்களை உருவாக்குவது போன்ற அம்சங்களும் பரிசீலிக்கப்படுகின்றன.
இதற்காக, தற்போதுள்ள உப்புநீக்கும் ஆலைகளில் இருந்து பெற்ற அனுபவங்களும் பயன்படுத்தப்படவுள்ளன.தற்போது சிங்கப்பூரில் ஐந்து உப்புநீக்கும் நிலையங்கள் செயல்பாட்டில் உள்ளன. சிங்கப்பூரில் நீர் விநியோகம் மற்றும் நீர் பாதுகாப்பை உறுதி செய்வதற்காக, நீர் உள்கட்டமைப்பை தொடர்ந்து விரிவுபடுத்தும் நடவடிக்கைகளில் முதலீடு செய்யப்படும் என பொதுப் பயன்பாட்டு வாரியம் தெரிவித்துள்ளது.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK