சிங்கப்பூரில் பொது பேருந்தில் நடந்த சண்டை வீடியோ வைரல்..!!

SMRT வழங்கிய தகவலின்படி, கடந்த ஞாயிற்றுக்கிழமை இரவு 9.30 மணியளவில் 911 சேவை பேருந்து உட்லேண்ட்ஸ் ஒருங்கிணைந்த போக்குவரத்து மையத்துக்குச் சென்று கொண்டிருந்தபோது இந்தச் சம்பவம் நடந்தது. பேருந்து நிறுத்தத்தில் ஏற விரும்பிய பெண் பயணி, சிறிது நேரம் காத்திருக்க வேண்டியதால் அதிருப்தியடைந்ததாக கூறப்படுகிறது. பேருந்தில் ஏறிய பின்னர், அவர் முன்பகுதியில் நின்று ஓட்டுநரை தொடர்ந்து படம் பிடித்ததுடன், மற்ற பயணிகள் ஏறுவதையும் தடுத்ததாக SMRT தெரிவித்தது.

பேருந்தை நகர்த்த ஓட்டுநர் கேட்டபோதும், அந்தப் பெண் பயணி வாக்குவாதத்தைத் தொடர்ந்ததாகவும், பின்னர் பேருந்து நிலையம் வந்ததும் நிலைமை மேலும் பதற்றமடைந்ததாகவும் கூறப்படுகிறது. பிற பயணிகளின் பாதுகாப்பைக் கருத்தில் கொண்டு, அந்தப் பெண் பயணியை அவரது துணைவர் பேருந்திலிருந்து அழைத்துச் செல்லுமாறு ஓட்டுநர் கேட்டுக் கொண்டார்.