சிங்கப்பூரில் அதிகரிக்கும் ஆன்லைன் மோசடிகள்..!! காவல்துறை எச்சரிக்கை..!!
சிங்கப்பூரில் ஆன்லைன் மோசடிகள் அதிகரித்து வரும் நிலையில் “Google Meet” காணொளி மூலம் மோசடி செய்யும் சம்பவங்கள் அதிகரித்து வருகிறது.
“Google Meet ” காணொளி அழைப்புகளைப் பயன்படுத்தி காவல்துறையினர் போல நடித்து நடத்தப்படும் மோசடி சம்பவங்கள் குறித்து காவல்துறை எச்சரிக்கை விடுத்துள்ளது.
ஏப்ரல் 1ஆம் தேதியில் இருந்து இன்று வரை இதுபோன்று 13 சம்பவங்கள் நிகழ்ந்துள்ளதாக நேற்று (ஏப்ரல் 19) காவல்துறை அறிக்கை வெளியிட்டுள்ளது.
இந்த மோசடி சம்பவங்களில் பொதுமக்கள் குறைந்தபட்சம் $32,000 வரை இழந்து விட்டதாகவும் காவல்துறை கூறியுள்ளது.
காவல்துறையின் சீருடை அணிந்து கொண்டு காவல்துறை அதிகாரிகள் போலவே தங்களைக் காட்டிக்கொண்டு Google Meet வழியாக காணொளி அழைப்புகளை மோசடி செய்பவர்கள் மேற்கொண்டுள்ளனர்.
சில நேரங்களில் தங்களது சுயவிவரப்படமாக சிங்கப்பூர் காவல்துறையின் சின்னத்தை அவர்கள் பயன்படுத்துவார்கள். Google Meet அழைப்புகளுக்குப் பயன்படுத்தப்பட்ட சில மின்னஞ்சல் முகவரிகளில் (Email ID) சிங்கப்பூர் அல்லது காவல்துறை என்ற சொற்கள் ஆங்கிலத்தில் இடம் பெற்றிருக்கும்.
அழைப்பை ஏற்கும் பொதுமக்களின் வங்கிக் கணக்கு அல்லது வங்கி விவரங்களில் பிரச்சனை இருப்பதாக கூறி அதற்கு தீர்வு தருவதாக மோசடியில் ஈடுபட்டுள்ளனர்.
விசாரணை தேவைப்படுவதாக கூறி பொதுமக்களின் இணைய வங்கி விவரங்கள், வங்கி அட்டை விவரங்கள் ஓடிபி (OTP) போன்றவற்றை கேட்டு வாங்கிக் கொள்வார்கள்.
வங்கி கணக்குகளில் அங்கீகரிக்கப்படாத பரிவர்த்தனைகள் நிகழ்ந்து, பணம் மாயமான பின்னர்தான், பொதுமக்கள் தங்களுக்கு மோசடி நடந்து விட்டது என்பதை உணர்கின்றனர்.
எனவே முன்பின் அறியாத நபர்களிடமிருந்து வரும் இதுபோன்ற தங்களுக்கு தொடர்பில்லாத காணொளி அழைப்புகளைப் பொதுமக்கள் தவிர்க்க வேண்டும் எனவும், எச்சரிக்கையுடன் இருக்கு மாறும் காவல்துறை கேட்டுக் கொண்டுள்ளது.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK