சிங்கப்பூரில் வைரலான காணொளியால் அதிர்ச்சி!! மின்தூக்கிக்குள் அத்துமீறி நுழைந்த சிறுவர்கள்..!!
சிங்கப்பூரில் பழுதுபார்க்கப்பட்டு வந்த மின்தூக்கிக்குள் சிறுவர்கள் குழுவொன்று வலுக்கட்டாயமாக நுழைந்த சம்பவம் தொடர்பான பல காணொளிகள் இணையத்தில் வேகமாகப் பரவி வருகின்றன.
அந்தக் காணொளிகளில், சிறுவர்களில் ஒருவர் மின்தூக்கி அறைக்குள் நுழைந்து, மின்தூக்கியுடன் மேலும் கீழுமாகச் சென்றது பதிவாகியுள்ளது.
பாதுகாப்பு பணிகள் நடைபெற்று வந்த நிலையில், சிறுவர்கள் இவ்வாறு அத்துமீறி நுழைந்த சம்பவம் பொதுமக்களிடையே அதிர்ச்சியை ஏற்படுத்தியுள்ளது.
@QashiSNB SG என்ற TikTok கணக்கில் பதிவிடப்பட்ட காணொளி ஒன்றில், அடர் நிற சட்டை அணிந்த சிறுவன் ஒருவர் ஸ்டூல் மீது நின்றுகொண்டு, கையில் வைத்திருந்த ஒரு பொருளைப் பயன்படுத்தி HDB மின்தூக்கியின் கதவைத் திறக்க முயற்சிப்பது தெளிவாகக் காணப்படுகிறது.
இதனைத் தொடர்ந்து, சிறுவர்கள் எவ்வாறு மின்தூக்கிக்குள் நுழைந்தனர் என்பது குறித்தும், அவர்களின் செயலால் ஏதேனும் பாதுகாப்பு ஆபத்து ஏற்பட்டதா என்பது குறித்தும் கேள்விகள் எழுந்துள்ளன.
இந்தச் சம்பவம் தொடர்பாகத் தொடர்பு கொண்டபோது, தங்களுக்கு ஒரு புகார் கிடைத்துள்ளதாகவும், சம்பவம் குறித்து விசாரணை நடைபெற்று வருவதாகவும் சிங்கப்பூர் காவல்துறை உறுதிப்படுத்தியுள்ளது.
பழுதுபார்ப்பு பணிகள் நடைபெறும் மின்தூக்கிகள் மற்றும் இயந்திரப் பகுதிகளுக்குள் அனுமதியின்றி நுழைவது உயிருக்கு ஆபத்தை ஏற்படுத்தக்கூடியது என்பதால், இதுபோன்ற செயல்களில் ஈடுபட வேண்டாம் எனவும் எச்சரிக்கை விடுக்கப்பட்டுள்ளது.
ஒரு சிறிய விளையாட்டாகத் தோன்றும் இதுபோன்ற செயல்கள், சில நேரங்களில் மிகப்பெரிய விபரீதத்தை ஏற்படுத்திவிடும்.
குறிப்பாக பழுதுபார்ப்பு பணிகள் நடைபெறும் மின்தூக்கிக்குள் அத்துமீறி நுழைவது உயிருக்கு ஆபத்தானது.
சிறுவர்களின் பாதுகாப்பு அனைவரின் பொறுப்பு என்பதால், இனியாவது இதுபோன்ற ஆபத்தான செயல்களைத் தவிர்த்து, பாதுகாப்பு விதிகளை மதிப்போம்.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK