சிங்கப்பூர் ShipYard Permit அப்டேட்:தெரிந்துகொள்ள வேண்டியது என்ன?
வணக்கம் நண்பர்களே! சிங்கப்பூரில் சிப்யார்ட் பர்மிட்டில் (Shipyard Permit) பணிபுரியும் ஊழியர்கள் மற்றும் பயிற்சி மையங்களுடன் உரையாடியதன் அடிப்படையில், அங்கிருக்கும் தற்போதைய வேலைவாய்ப்பு நிலவரம் மற்றும் ஊழியர்கள் சந்திக்கும் சவால்கள் குறித்த முக்கியத் தகவல்களை இக்கட்டுரையில் காண்போம்.
1. சிப்யார்ட் பர்மிட்: கடந்த காலமும் தற்போதைய நிலையும்
கடந்த 2 – 3 ஆண்டுகள்:
ஸ்கில்டு டெஸ்ட் (Skill Test) எழுதுவதில் அதிக சிரமங்கள் இருந்த காலத்தில், சிங்கப்பூர் செல்வதற்குப் பெரும்பாலானோர் தேர்வு செய்தது சிப்யார்ட் மற்றும் பிசிஎம் (PCM) பர்மிட்களையே. குறைந்த செலவிலும், இலவசப் பயிற்சியுடனும் நூற்றுக்கணக்கானோர் இத்துறை மூலம் சிங்கப்பூர் சென்றனர்.
தற்போதைய நிலை (கடந்த 6 மாதங்களாக):
தற்போது தமிழ்நாட்டில் சிப்யார்ட் பர்மிட்டிற்கான ஆள்சேர்ப்பு மற்றும் பயிற்சிகள் மிகவும் குறைந்துள்ளன. NTS பர்மிட், E-Pass மற்றும் ஸ்கில்டு டெஸ்ட் மீண்டும் திறக்கப்பட்டது போன்ற பல்வேறு காரணங்களாலும், சிங்கப்பூரில் உள்ள வேலை வாய்ப்புகளின் மந்தநிலையினாலும் இத்துறை சற்றே டல்லாகவே சென்று கொண்டிருக்கிறது.
2. தற்போதைய சவால்கள்
ஓவர்டைம் (Overtime) குறைவு:
பெரிய நிறுவனங்கள்கூட தங்களின் தற்போதைய திட்டங்களை (Projects) மட்டுமே வைத்துச் சமாளித்து வருகின்றன. கூடுதல் வேலைநேரம் (OT) இல்லாததால், சிப்யார்ட் பர்மிட்டில் பணிபுரிபவர்களின் மாதச் சம்பளம் கணிசமாகக் குறைந்துள்ளது.
பணி இழப்பு:
போதிய வருமானம் இல்லாததாலும், செலவுகளைச் சமாளிக்க முடியாமலும் பலர் வேலையை விட்டு தாயகம் திரும்புகின்றனர். சில நிறுவனங்களே ஊழியர்களைக் குறைத்து ஊருக்கு அனுப்பி வரும் சூழலும் நிலவுகிறது.
இந்தச் சூழலை எதிர்கொள்ள சில வழிகள்:
சிப்யார்ட் பர்மிட்டில் தற்போது சிங்கப்பூரில் இருப்பவர்கள், உங்களுக்குக் கிடைக்கும் ஓய்வு நேரத்தைச் சரியாகப் பயன்படுத்திக் கொள்வது அவசியமாகும்.
கூடுதல் திறன்களை வளர்த்துக் கொள்ளுதல்:
ஓவர்டைம் இல்லாத நேரங்களில் ஓட்டுநர் உரிமம் (Driving License) எடுப்பது அல்லது தொழில் சார்ந்த பிற படிப்புகளை (Courses) முடிப்பது நல்லது.
எதிர்காலப் பாதுகாப்பு:
இப்படி கூடுதல் சான்றிதழ்கள் வைப்பதன் மூலம், எதிர்காலத்தில் வேறு நிறுவனங்களுக்கோ அல்லது டிரைவர் போன்ற வேறு பணிகளுக்கோ மாறுவது எளிதாகும்.
4. இந்த நிலை எப்போது மாறும்?
பயிற்சி மையங்கள் மற்றும் துறை சார்ந்த வல்லுநர்களின் கூற்றுப்படி, நிறுவனங்கள் தற்போது புதிய திட்டங்களுக்கான டெண்டர்களைப் (Quotations) சமர்ப்பித்து வருகின்றன. இந்த ஆண்டின்(2026,) இறுதிக்குள் அல்லது அடுத்த ஆண்டின் (2027) தொடக்கத்தில் புதிய ஆர்டர்கள் கிடைக்கும் பட்சத்தில், மீண்டும் அதிகளவில் ஆள்சேர்ப்பு தொடங்க வாய்ப்புள்ளது.
சிங்கப்பூர் செல்லும் பிரஷர்கள் கவனத்திற்கு!
சமீபத்தில் NTS பர்மிட்டில் சிங்கப்பூர் சென்ற ஒருவர், தேவையான ‘பாண்ட் பேப்பர்’ (Bond Paper) ஆவணத்தைக் கையோடு கொண்டு செல்லாததால், சிங்கப்பூர் விமான நிலையத்திலிருந்தே திருப்பி அனுப்பப்பட்டு (Deport) பெரும் பொருளாதார இழப்பைச் சந்தித்துள்ளார்.
முக்கியக் குறிப்பு:
சிங்கப்பூருக்குப் புதியதாக வேலைக்குச் செல்பவர்கள், தங்கள் ஏஜென்ட்களை மட்டும் நம்பியிருக்காமல், பயணத்திற்குத் தேவையான ‘Checklist Documents’ அனைத்தும் சரியாக உள்ளதா என்பதை முன்னதாகவே சரிபார்த்துக் கொள்வது மிக மிக அவசியமாகும்.
எந்தவொரு துறையிலும் சூழல்கள் மாறக்கூடும். எனவே, சிங்கப்பூரில் இருக்கும் தொழிலாளர்கள் தங்களின் திறன்களைத் தொடர்ந்து மேம்படுத்திக் கொள்வதும், புதியதாகச் செல்பவர்கள் முறையான ஆவணங்களோடு விழிப்புணர்வுடன் பயணிப்பதும் அவர்களின் எதிர்காலத்திற்கு நன்மையளிக்கும்.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK