மானியம் பெற இனி கடுமையான விதிகள்: பயிற்சி நிறுவனங்களுக்கு எச்சரிக்கை..!!
சிங்கப்பூர்:சிங்கப்பூரில் திறன் மேம்பாட்டு வாரியம் (Skills Development Authority) பயிற்சி நிறுவனங்களுக்கு வழங்கப்படும் பாடநெறி மானிய விதிமுறைகளை கடுமையாக்கியுள்ளது.இதன் காரணமாக சுமார் 500 பயிற்சி நிறுவனங்கள் நடத்தும் 9,500 பாடநெறிகள் புதிய மற்றும் கடுமையான நிபந்தனைகளை எதிர்கொள்ள உள்ளன.
வணிகங்களுக்கும் தொழிலாளர் சந்தைக்கும் தேவையான திறன்களை உருவாக்கும் நோக்கில், புதிய பாடநெறிகளை தொடங்கும்போதும், ஏற்கனவே உள்ளவற்றை புதுப்பிக்கும்போதும் குறிப்பிட்ட தரநிலைகளை பூர்த்தி செய்ய வேண்டும் என அறிவிக்கப்பட்டுள்ளது.தற்போது, வளர்ந்து வரும் திறன்கள் அல்லது தொழில் மாற்றங்களை ஆதரிக்கும் பாடநெறிகளுக்கு 90 சதவீதம் வரை மானியம் வழங்கப்படுவதால் அவை பாதிக்கப்படாது.
ஆனால், ஏற்கனவே உள்ள வேலைகளுக்குத் தேவையான திறன்களை மேம்படுத்தும் புதிய பாடநெறிகள், அரசால் குறிப்பிடப்பட்ட முக்கிய திறன்களில் குறைந்தது பாதியை உள்ளடக்கியிருக்க வேண்டும் அல்லது அங்கீகரிக்கப்பட்ட அமைப்பால் சான்றளிக்கப்பட்டிருக்க வேண்டும்.
மேலும், புதுப்பிக்கப்படும் பாடநெறிகளுக்கு நிதி பெற, பங்கேற்பாளர்களில் குறைந்தது 40 சதவீதம் பேர் முதலாளிகளால் நிதியுதவி செய்யப்பட வேண்டும் எனவும் அறிவிக்கப்பட்டுள்ளது. ஜூன் 1 முதல், பயிற்சி தரம் மற்றும் விளைவுகளை மதிப்பிடும் கருத்துக் கணிப்பில் குறைந்தது 75 சதவீத மறுமொழி விகிதம் கட்டாயமாக்கப்பட்டுள்ளது.
இதேவேளை, சிங்கப்பூர் சர்வதேச மேம்பாட்டு கவுன்சிலின் ஆய்வின்படி, உள்ளூர் வேலைகளில் சுமார் 25 சதவீதம் பணிகளை செயற்கை நுண்ணறிவு உதவியுடன் செய்ய முடியும் என்றும்,2022 முதல் 2025 வரை AI தொடர்பான திறன்களுக்கான தேவை இரட்டிப்பாகும் என்றும் தெரிவிக்கப்பட்டுள்ளது.
இதனை கருத்தில் கொண்டு, வேலை வாய்ப்புகள் மற்றும் AI திறன் தேவைகளை இணைக்கும் புதிய அம்சம் வேலை திறன் போர்ட்டலில் அறிமுகப்படுத்தப்பட்டுள்ளது.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK