வாழ்க்கையை நேசிக்க கற்றுத் தந்த குரங்கின் பாசம்..!!!

சிங்கப்பூர்:சிங்கப்பூரில் சந்திர நாட்காட்டியின் ஏழாவது மாதம் வந்தால், இறந்தவர்களின் ஆன்மாக்களுக்காக நடத்தப்படும் “பேய் விழா” நம்மை நினைவூட்டுகிறது. வட-மத்திய சிங்கப்பூரில் உள்ள ஓல்ட் தாம்சன் சாலையில் நடந்த ஒரு நிகழ்வு, இந்த சுழற்சியின் உண்மையை நமக்கு கண்கூடாக காட்டியது.

ஒரு காலை நடைப்பயிற்சியின் போது, சாலையில் வாகனம் மோதிய ஒரு குரங்கின் உயிரற்ற உடலைக் கண்டனர். அதன் அருகே யாரோ ஒருவர் கிளையை வைத்து வாகன ஓட்டிகளின் கவனத்தை ஈர்த்திருந்தார். ஆனால் அதைவிட மனதை உருக்கியது.அந்த குரங்கின் “குடும்ப உறுப்பினர்கள்” இருவர், உயிரற்ற உடலின் மீது படுத்து பிரிவின் வேதனையில் துயருற்றனர். அவர்களின் கண்களில் தயக்கமும் பற்றுதலும் வெளிப்பட்டது.

இத்தகைய நிகழ்வுகள் வாழ்க்கை மற்றும் மரணத்தின் நுண்ணிய கோட்டைப் பற்றி நமக்கு சிந்திக்க வைக்கின்றன.

வரலாற்று சிறப்புமிக்க ஓல்ட் தாம்சன் சாலை, ஒருகாலத்தில் கிராண்ட் பிரிக்ஸ் பந்தயப்பாதையாக விளங்கியது. “டெவில்ஸ் பெண்ட்” என அழைக்கப்படும் வளைவு பல உயிர்களை காவு கொண்டது. அங்குள்ள பழைய தலைமுறை இன்று கூட இரவு நேர “பேய் பயணிகள்” கதைகளை காபி கடைகளில் பகிர்ந்து கொள்கின்றனர்.

எழுத்தாளர் தனது குடும்ப அனுபவங்களையும் பகிர்ந்து கொள்கிறார். பாட்டியும் அம்மாவும் “பேய் மாதத்தில்” காலமானார்கள். தாத்தா புத்தாண்டுக்கு முன் மறைந்தார். ஒவ்வொரு முறையும் மரணம் வாழ்க்கையின் சுழற்சியுடன் எப்படி பின்னிப் பிணைந்துள்ளது என்பதே சிந்திக்கத் தள்ளுகிறது.

உலகம் முழுவதும் மரணம் குறித்த சடங்குகள் வெவ்வேறு வடிவங்களில் காணப்படுகின்றன. ஐரிஷ் மக்கள் சிரிப்பும் இசையுடனும் இறப்பை அனுசரிக்கிறார்கள். மெக்சிகோவில் “Day of the Dead” விழா மகிழ்ச்சியுடனும் மரியாதையுடனும் நடைபெறுகிறது. போர்ச்சுகலில் எலும்புகளால் ஆன தேவாலயம், வாழ்க்கையின் நிலையற்ற தன்மையை நினைவூட்டுகிறது.

மரணம் மர்மம் நிறைந்த ஒன்று. பாலியில் ஒரு இறுதிச் சடங்கை படம் பிடித்தபோது, இறுதியில் எடுக்கப்பட்ட புகைப்படத்தில் எந்தச் சடங்கின் சுவடுகளும் இல்லாமல் போனது ஆச்சரியத்தை ஏற்படுத்தியது.இது இன்னும் தீர்க்கப்படாத மர்மமாகவே இருப்பதாக எழுத்தாளர் கூறுகிறார்.

நம் வாழ்க்கை எனும் பயணம் நிச்சயம் ஒரு நாள் முடிவுக்கு வரும். அந்த கடைசி தருணம் வரை, ஒவ்வொரு சுவாசமும் ஒரு வரமாகும்.ஒவ்வொரு நினைவும் ஒரு சின்னம் என்பதை நினைவில் கொள்ளச் செய்கிறது.

Follow us on : click here

WHATSAPP CHANNEL LINK