2026 புத்தாண்டை சிறப்பாக வரவேற்ற மக்கள்..!!
சிங்கப்பூர்:சிங்கப்பூரில் 2026 ஆம் ஆண்டின் வருகையை வரவேற்கும் வகையில், நேற்றிரவு சிங்கப்பூர் முழுவதும் பிரமாண்டமான புத்தாண்டு ஈவ் கவுண்ட்டவுன் நிகழ்வுகள் கோலாகலமாக நடைபெற்றன.மெரினா விரிகுடாவில் நடைபெற்ற 360 டிகிரி பனோரமிக் வாணவேடிக்கை, இந்த ஆண்டு கொண்டாட்டங்களின் முக்கிய சிறப்பம்சமாகத் திகழ்ந்தது.
மெரினா விரிகுடாவில் இரவு 11 மணிக்கு தொடங்கிய வானவேடிக்கை நிகழ்ச்சி நான்கு கட்டங்களாக நடத்தப்பட்டு, நள்ளிரவு 12:10 மணி வரை தொடர்ந்தது. சுமார் 30 நிமிடங்கள் நீடித்த இந்த நிகழ்ச்சியில் இசை மற்றும் வண்ணமயமான வானவேடிக்கைகள் இணைந்து, புத்தாண்டை சிறப்பாக மாற்றியது.
இதற்கிடையில், கல்லாங் பகுதியில் பல இடங்களில் ஒரே நேரத்தில் கவுண்ட்டவுன் நிகழ்ச்சிகள் நடைபெற்றன. தேசிய அரங்கம் முன்புள்ள ஸ்டேடியம் ரோரில் பெரிய அளவிலான இசை நிகழ்ச்சி நடைபெற்றதுடன், OCBC சதுக்கம் மற்றும் கல்லாங் நீர்வாழ் மையத்தில் மாலை 7 மணி முதல் பொதுமக்கள் இலவச நேரடி நிகழ்ச்சிகளை அனுபவித்தனர்.
பொங்கோலில் நடைபெற்ற புத்தாண்டு ஈவ் கவுண்ட்டவுன் நிகழ்வில், முதல் முறையாக ட்ரோன் காட்சி இடம்பெற்றது. சுமார் 15 நிமிடங்கள் நீடித்த இந்த நிகழ்ச்சியில், 200 ட்ரோன்கள் இரவு வானில் ஒன் பொங்கோல் சமூக மையம், சின்னங்கள் மற்றும் “புத்தாண்டு வாழ்த்துக்கள்” போன்ற வடிவங்களை காட்சிப்படுத்தின. இந்த நிகழ்ச்சி பொங்கோல் அடிமட்ட அமைப்புகள் மற்றும் ஒருங்கிணைந்த சமூக மையத்தின் இணை ஏற்பாட்டில் நடைபெற்றது.
மீடியாகார்ப் நிறுவனத்தின் புத்தாண்டு ஈவ் சிறப்பு நிகழ்ச்சி, இந்த ஆண்டு முதல் முறையாக செந்தோசாவின் சிலோசோ கடற்கரையில் நடத்தப்பட்டது. கடற்கரை சூழலில் நடைபெற்ற இந்த கவுண்ட்டவுன் நிகழ்ச்சியில் உள்ளூர் மற்றும் சர்வதேச கலைஞர்கள் பலரும் பங்கேற்றனர்.குறிப்பாக, கொரிய குழு ரெட் வெல்வெட்டின் ஐரீன் மற்றும் சீல்கி ஆகியோரின் பங்கேற்பு ரசிகர்களின் கவனத்தை ஈர்த்தது.
தீவு முழுவதும் நடைபெற்ற இந்தப் பல்வேறு நிகழ்ச்சிகள், மக்களிடையே புத்தாண்டு கொண்டாட்ட உற்சாகத்தை மேலும் உயர்த்தி, 2026-ஐ நம்பிக்கையுடனும் மகிழ்ச்சியுடனும் வரவேற்கச் செய்தன.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK